Search

Madamu Jeannette Kagame mu bitabiriye igitaramo cy’umuhanzikazi Somi i Kigali (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ku mugoroba wo kuri uyu wa Kabiri tariki 13 Gashyantare 2018 nibwo umuhanzikazi Somi ukorera muzika muri Amerika ariko ufite inkomoko ku mubyeyi w’Umunyarwanda, yakoreye igitaramo mu mujyi wa Kigali. Mu bantu batandukanye bacyitabiriye harimo na Madamu Jeannette Kagame umufasha wa Perezida Paul Kagame.

Madamu Jeannette Kagame yari mu bitabiriye igitaramo Somi yakoreye i Kigali.

Iki gitaramo cyabereye mu busitani bwa Marriott Hotel, kitabiriwe n’abantu batandukanye banyuzwe n’indirimbo za Somi zicuranze mu njyana ya Jazz.

Somi uherutse no guhabwa igihembo gikomeye, yacuranze igihe kingana n’isaha yose asoza abitabiriyeiki gitaramo banyuzwe n’umuziki w’ubuhanga yabahaye abifashijwemo n’itsinda ry’abamucurangira batanu.

Uyu muhanzikazi utari uherutse gucurangira mu Rwanda, yakunze kwitsa akavuga ko yishimiye kuririmbira ku ivuko nyuma y’igihe kirekire kuko yabiherukaga mu mwaka wa 2010 ubwo yaje atumiwe mu iserukiramuco rya FESPAD.

Iki gitaramo cyanitabiriwe na Cécile Kayirebwa ufatwa nk’umuhanzi w’indashyikirwa kuri benshi mu bakunda umuziki wa gakondo y’umwimerere. Somi mbere yuko aza kuririmba i Kigali yabwiye itangazamakuru ko nawe yabyirutse afata uyu muhanzi nk’icyitegererezo mu Banyarwanda bakora umuziki.

Somi ubusanzwe yitwa Laura Kabasomi Kakoma, afite imyaka 38, ni mwene Dr. Ibulaimu Kakoma na Elizabeth Nyarubona Kakoma, yavukiye anakurira i Champaign muri Leta ya Illinois.

Yamamaye cyane mu njyana ya Jazz ndetse muri Kanama 2013 yasinyanye amasezerano n’inzu itunganya umuziki ya Sony Music, i New York aho asanzwe akorera ibikorwa bye bya muzika.

Somi yataramiye i Kigali nyuma y’iminsi ahawe igihembo gikomeye mu cyiciro cy’abakoze album zifite umwihariko mu njyana ya Jazz mu bya NAACP Image Awards byatanzwe ku nshuro ya 49 mu birori byabaye ku itariki ya 14 Mutarama 2018; byabereye ahitwa Pasadena Conference Center mu Mujyi wa Los Angeles.

Somi n’umwe mu bahanzi bakorana na Sony Music inzu yamamaye ku Isi mu gutunganya muzika no gukorana n’abahanzi.

Somi yasusurukije abitabiriye iki gitaramo bataha banyuzwe.

Cecile Kayirebwa wicaye hagati nawe yari mu bitabiriye iki gitaramo.

Nyuma y’igitaramo Somi yafashe ifoto y’urwibutso na Madamu Jeannette Kagame.

 

 

Ivan Heritier

Comments

comments




Leave a Reply

Your email address will not be published. Required fields are marked *