Maico Money Transfer na Dahabshiil batangije ubufatanye bugamije gufasha abakiliya kwohererezanya amafaranga mu bihugu birenga 140

Maico Money Transfer na Dahabshiil Rwanda batangije ubufatanye bugamije kwagura umuyoboro na serivisi zo kwakira no kohereza amafaranga hanze y’igihugu.

Kuri uyu wa Kabiri nibwo Maico Money Transfer yatangije ubufatanye bushya hamwe na Dahabshiil Rwanda, buzafasha kwagura umuyoboro wa Maico Money Transfer hongerwa umubare w’amashami atangirwaho amafaranga.

Umuyobozi mukuru wa Maico Money Transfer, bwana Innocent Higiro mugutangiza ubu bufatanye yagize ati “Twishimiye ubu bufatanye hamwe na Dahabshiil buzadufasha kwagura umuyoboro wacu, abakiriya bacu mu bihugu birenga 140 bakazabasha kohereza no kwakira amafaranga. Ikintu cy’ibanze twitaho ni ugutanga serivisi zinyura abakiriya bacu bakabasha kwakira no kohereza amafaranga, tukaba dushimishijwe no gukorana na Dahabshiil duharanira kugera ku ntego twihaye”

Umuyobozi mukuru wa Dahabshiil  mu Rwanda, bwana Mustafe Sheikh Adan Amin nawe yagize ati “Kugirana ubufatanye na Maico Money Transfer bizadufasha gushimangira ko duhari akaba ari n’uburyo bwo kongera ubushobozi bwo kubona amafaranga muri ibi bihe abantu batakibasha gukora ingendo mu buryo bworoshye bakaba bagomba gukora ubucuruzi bwabo batavuye aho bari cyangwa gufasha imiryango yabo iba mu bice bitandukanye by’Isi”

Ubufatanye hagati ya Maico Money Transfer na Dahabshiil bugamije kongera amashami atangirwaho amafaranga, bisobanuye ko abantu noneho bashobora kohereza no kwakira amafaranga mu bihugu birenga 140 mu bice bitandukanye by’Isi.

Maico Money Transfer itanga serivisi zo kohereza no kwakira amafaranga mu bushinwa binyuze muri  Rápidocash, muri Dubai, Iburayi no mu bindi bice by’Isi ku bufatanye hamwe na Western Union, Money Exchange na Dahabshiil.

Ikindi ni uko binyuze mu gukorana  n’impuguke mu bijyanye n’imyishyurire mpuzamahanga hamwe n’ibijyanye n’amadovize,  Maico Money Transfer igufasha kohereza no kwakira amafaranga wohererejwe n’inshurti, umuryango, cyangwa abo mukorana ubucuruzi mu buryo bwihuse bwizewe kandi buhendutse.

Maico Money Transfer na Dahbshiil batangije ubufatanye.
Umuyobozi mukuru wa Maico Money Transfer, bwana Innocent Higiro.
Umuyobozi mukuru wa Dahabshiil mu Rwanda, bwana Mustafe Sheikh Adan Amin.

 

Tanga Igitekerezo ukoresheje Facebook

SHARE