Manchester United yaguze umukinnyi w’Umunyarwanda w’imyaka 17 y’amavuko

Ikipe ya Manchester United yo mu Bwongereza yasinyishije umukinnyi mushya Noam Emeran Nkusi w’imyaka 17, se umubyara akaba yarakiniye ikipey’igihugu Amavubi.

Emeran yasinyiye Man United imyaka ibiri, aya akaba ari yo masezerano ya mbere asinye nyuma yo kugera muri iyi kipe muri Gashyanyare uyu mwaka aho yakinaga mu baterengeje imyaka 17 ba Manchester United ubu akaba yazamuwe mu ikipe y’abatarengeje imyaka 19.

Emeran Nkusi w’imyaka 17 asinyira Man. United

Yaje muri Manchester United avuye muri SC Amiens U19 yo mu Bufaransa aguzwe ibihumbi 100 by’ama-Euro ndetse yemererwa no kwishyurirwa amashuri.

Emeran ubusanzwe ni umwana wa Fritz Emeran Nkusi ukomoka muri Guadeloupe akaba yarashakanye n’Umunyarwandakazi bituma ahabwa ubwenegihugu bw’u Rwanda ndetse aza no gukinira ikipe y’igihugu Amavubi muri 2005 kugeza 2007.

Uyu mwana wavutse ku itariki ya 24 Nzeri 2002 yatangiye urugendo rwe mu mupira w’amaguru afite imyaka irindwi y’amavuko mu ikipe ya FC Brussels mu Bubiligi. Yavuye muri iyi kipe yerekeza muri Entente Sannois Saint-Gratie yo mu kiciro cya gatatu mu Bufaransa yakiniye kuva afite imyaka ikenda kugeza afite 15.

Mu mpeshyi ya 2017 nibwo yasinye muri Amiens SC yo mu Bufransa ari naho yavuye aza muri Manchester United.

Emeran n’ababyeyi be.

 

Tanga Igitekerezo ukoresheje Facebook

SHARE