Search

Mani Martin yiteze byinshi ku kazi gakomeye yakoranye na Sauti Sol (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzi Mani Martin umaze igihe mu mushinga w’indirimbo yakoranye n’itsinda rya Sauti Sol riri muyahagaze neza muri Africa kuri ubu bamaze no gufatira amashusho, avuga ko yiteze umusaruro ukomeye kuri iyi ndirimbo dore ko iri muzamuhenze kandi ikaba yarakozwe n’aba producer batatu batandukanye.

Mani Martin ngo yiteze byinshi kuri iyi ndirimbo yakoranye na Sauti Sol.

Mu kiganiro Mani Martin yagiranye n’Ibyamamare.com yavuze ko iyi ndirimbo yakoranye na Sauti Sol bizeye ko abakunzi babo bazayakira neza kandi ikabasha kugera kure kuko iri no mu ndimi nyinshi, ibi ngo bikazanamufasha kurushaho kuzamura izina rye muri muzika.

Yagize ati “Iyo abahanzi babiri bahuye bagakora indirimbo umusaruro uba kumpande zombi kuko abakunzi babo bose barayumva, kuruhande rwanjye kuba narakoranye nabo kandi  bafite izina rinini ku ndusha ndumva hari icyo bizamfasha nanjye mukuzamura iryanjye, kandi turizera ko izabasha kugera kure kuko ari indirmbo nziza kandi iri mu ndimi eshanu, Ilingara, Igiswahili, Icyongereza, Igifaransa n’Ikinyarwanda rero bizorohera benshi kuyumva.

Abajijwe igihe iyi ndirimbo izagira hanze, Mani Martin yavuze ko atahita atangaza igihe izagira hanze kuko nubwo bafashe amashusho y’ibanze hari n’andi ma sene asigaye batarafata.

Amajwi y’iyi ndirimbo (Audio) yakorewe muri Kenya ikorwaho n’aba producer batatu aribo Pastor P, Mastola na Polycarp Otieno wo muri Sauti Sol ari nawe usanzwe akora indirimbo zabo. Martin avuga iyi ndirimbo iri muzamuhenze cyane nubwo ateruye ngo atangaze amafaranga imaze kumutwara.

Yagize ati Ntabwo ndicara ngo mbare neza amafaranga yose imaze gutwara kuko urabizi ko nafashe indege nkajya muri Kenya njyanye na Producer Mastola gukora Audio, twishyuye hotel n’ibindi nyuma yaho ubu tumaze gufata amashusho kandi ntararangira, rero ntabwo ndabara neza ngo ndebe gusa iri mu ndirimbo zampenze cyane.

Iyi ndirimbo ya Mani Martin na Sauti Sol ivuga k’urukundo, bakaba barayise ‘Mapenzi’ amashusho yayo yambere akaba yarafatiwe mu Rwanda na Producer Meddy Saleh.

REBA AMAFOTO UTABONYE Y’IFATWA RY’AMASHUSHO Y’IYI NDIRIMBO:

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.