Mashami Vincent utarigeze yubahiriza ibyo yasabwaga yongerewe amasezerano yo gutoza ikipe y’igihugu Amavubi

Nyuma yo gusoza amasezerano mu kwa 12/2019, umutoza Mashami Vincent yongerewe amasezerano yo gukomeza gutoza ikipe y’igihugu Amavubi

Hashize iminsi hibazwa ugomba gukomeza gutoza ikipe y’igihugu y’u Rwanda Amavubi mu gihe kiri imbere, mu gihe umutoza Mashami Vincent yari yarangije amasezerano y’amezi atatu yaheruka guhabwa.

Mu nshingano Mashami Vincent yari yahawe, harimo guha u Rwanda itike yo kujya mu matsinda yo gushaka itike y’igikombe cy’isi, aha akaba asabwa gusezerera ibirwa bya Seychelles.

umutoza Mashami Vincent yongerewe amasezerano yo gukomeza gutoza ikipe y’igihugu Amavubi

Yahawe umukoro kandi wo guha u Rwanda itike yo kwerekeza mu gikombe cya Afurika gihuza abakinnyi bakina imbere mu gihugu (CHAN), aha u Rwanda naho rukaba rusabwa gusezerera Ethiopia.

Umukoro wa gatatu wahawe Mashami Vincent ni ukubona amanota ane mu mikino ibiri ibanza yo gushaka itike yo kujya muri CAN 2019 izabera muri Cameroun, aho asabwa byibura kunganya umukino umwe agatsinda undi hagati ya Cameroun na Mozambique.

Byari byatangaje ko Mashami muri iyo mikoro nihagira n’umwe atazabasha kubahiriza, Ferwafa ifite uburenganzira bwo kuba yakongera cyangwa igasesa aya masezerano.

Mu manota ane yasabwe kubona mu mikino yo guhatanira itike yo gukina imikino ya nyuma y’igikombe cya Afurika izabera muri Cameroon nta na rimwe yabone kuko Mozambique yatsindiye Amavubi iwayo 2-0 mu gihe Cameroun yatsindiye u rwanda i Kigali igitego 1-0.

Nyuma y’iyi mikino yombi Abanyarwanda benshi bumvaga ko kuba ananiwe umukoro yahawe ikipe ishobora guhabwa undi mutoza.

Gusa bitunguranye kuri uyu wa kane tariki ya 16 Mutarama 2020 nibwo Minisiteri ya Siporo yahaye ibaruwa FERWAFA iyimenyesha ko Mashami Vincent ariwe ugiye gukomeza guktoza ikipe y’igihugu.

Nubwo imikino ya mbere yo gusha itike yo gukina igikombe cya Afurika itamuhiriye, yabashije kwitwara neza mu mikino y’ijonjoro ry’ibanze mu gushaka itike yo gukina imikino ya nyuma y’igikombe cy’isi kizabera muri Qatar aho yatsinze igihugu cya Seychelles ibitego 10-0 ndetse akanabona tike yo gukina imikino ya CHAN atsinze ikipe ya Ethiopia ibitego 2-1 mu mikino yombi.

Kuri uyu wa kabiri ikipe y’igihugu ’Amavubi’ iramenya itsinda azajyamo mu mikino yo gushaka itike y’igikombe cy’isi izabera muri Qutar, akaba azatangira gukina mu kwezi kwa 3.

Mu kwezi kwa 4 Amavubi azakina imikino ya CHAN muri Cameroon, aho tombola y’uko amakipe azahura izaba muri Gashyantare uyu mwaka.

Tanga Igitekerezo ukoresheje Facebook

SHARE