Masisi: Ku bunani Eliud Hasha Man yateguye igitaramo kizabera mu Rujebeshi i Burungu

Hafashimana Eliud n’umuhanzi ukomoka mu karere ka Masisi mu ntara ya Kivu y’Amajyaruguru muri Repubulika Iharanira Demukarasi ya Congo. Azwi ku mazina ya Eliuh Hasha Man n’umwe mu bari guhamya izina mu njyana ya Hip Hop.Yemeza ko afite intego yo kwamamaza akarere ke binyuze mu buhanzi.

Nta gihe kinini amaze mu muziki muri uyu mwaka wa 2019 yeretse bagenzi be ko bagomba gukora cyane maze izina ryabo rikazamuka ku buryo bugaragara,yakoranye indirimbo n’abahanzi bo muri Congo barimo Hero Boy ndetse anakorana n’abanyarwanda nka Shafty Ntwali umuraperi wi Rubavu ndetse n’uwitwa Jack Jackson wo mu mujyi wa Kigali.

Uyu musore ukunzwe iwabo mu ndirimbo yitwa “Ndagarutse” aheruka gukorana na Shafty Ntwali avuga ko usibye gukorana n’abahanzi bo mu Rwanda ari kugerageza kwiyegereza itangazamakuru ryo mu Rwanda kuko riri murikurikirwa cyane mu karere ka Masisi aho akomoka.

“Ndi kugerageza gukorana bya hafi n’itangazamakuru ryo mu Rwanda kugira ngo ibikorwa byanjye bigere kure kuko iwacu I Masisi bakurikira cyane amaradiyo yo mu Rwanda ndetse na Televiziyo ikindi kandi muzika yo mu Rwanda imaze gutera imbere hari byinshi twe tubigiraho”

Eliud mu rwego rwo kwishimana n’abatuye i Masisi yateguye igitaramo kizaba kuwa 01.01.2020 kikazabera ahitwa Rujebeshi i Burungu muri Masisi aho abahanzi batandukanye bakomoka mu karere ka Masisi bazaza gushyigikira mugenzi wabo kugira ngo barusheho kwiyereka abakunzi babo baba babategereje cyane mu minsi mikuru.

Ni igitaramo uyu musore avuga ko kizaba ari imbaturamugabo kuko abahanzi hafi yabose bakunzwe i Masisi bazaba bahari ndetse n’abazaturuka mu Rwanda, amatsinda abyina (Dance Moderne),abazagaragaza impano,abanyarwenya  kwinjira azaba ari amafaranga 1000Fc

Eliud Hasha Man avuga ko impamvu yamuteye kwinjira mu muziki ari uri urukundo rwawo ndetse n’impano yifuza kubyaza umusaruro no kumvisha iwabo ko abana babo bashoboye ari abo gushyigikirwa.

“Ntago byari byoroshye kwinjira muri muzika kuko byonyine imyumvire y’iwacu ku muhanzi iracyari hasi cyane, nk’umunyempano unakunda muzika ninjiyemo bya nyabyo nk’akazi kugira ngo nanereke abagifata abahanzi bi Masisi aho tuvuka nk’ababuze ibyo bakora, badushyigikire kuko turi kuzamuka neza kandi tuzamura n’akarere kacu”

Eliud akomeza ashimangira ko igihe kigeze ngo abahanzi bashoboye bashyigikirwe ku buryo bugaragara kandi nabo bakanguke bumve ko bagomba kwegera abakunzi babo batari bacye ndetse bakagirana umubano n’Itangazamakuru ku buryo bufatika.

Ndagarutse by Eliud Hash Man ft Shafty Ntwali

 

Tanga Igitekerezo ukoresheje Facebook

SHARE