Search

Masudi Djuma yirukanywe muri Simba Sports Club

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Uwari Umutoza Wungirije wa Simba Sports Club, Masudi Djuma, yatandukanye n’iyi kipe yo muri Tanzania kubera kutumvikana n’Umutoza Mukuru wayo, Umubiligi Patrick Uassems.

Ku mugoroba wo kuri uyu wa Mbere tariki 8 Ukwakira 2018 nibwo Ubuyobozi bwa Simba bwatangaje ku mugaragaro ko busheshe amasezerano n’Umutoza w’Umurundi wahoze atoza Rayon Sports, Masudi Djuma.

Masudi Djuma yatandukanye n’ikipe ya Simba

Kuba uyu mugabo w’imyaka 41 yatandukanye na Simba SC byatangajwe n’Umuvugizi w’iyi kipe Haji Manara wemeza ko bishimira akazi gakomeye Masudi yabakoreye mu mezi 13 yabatoje harimo atatu yafashe ikipe nk’umutoza mukuru andi akaba yarayatoje nk’umutoza wungirije.

Nyuma yo gusesa amasezerano, Masudi Djuma yatangaje ko ntacyo yifuza kuvuga ku makimbirane ye n’umutoza mukuru.

Ati “ Icya mbere navuga ni uko nshima Imana n’abayobozi ba Simba SC kuko twabanye neza muri uyu mwaka. Akazi kagendaga neza ariko icyo navuga ni uko buri jambo rigira itangiriro n’iherezo.”

Namaze kugera ku iherezo ry’ubuzima bwanjye muri Simba SC ariko mu minsi mike iri imbere murongera kumbona mu yindi kipe ikomeye. Intandaro yo gutandukana n’iyi kipe yo sinshaka kuyigarukaho na gato”

Masudi ubwo yageraga muri Simba hano yari mu kiganiro n’abanyamakuru n’abayobozi b’iyi kipe

Uyu mutoza bivugwa ko yatandukanye na Simba SC kubera kutumvikana n’Umutoza Mukuru wamushinje kutuzuza ibyo yifuza mu mutoza wungirije.

Ngo byatumaga batagera ku ntego kuko nubwo bashoye amafaranga menshi bakagura abakinnyi beza bari ku mwanya wa kane muri shampiyona igeze ku munsi wa cyenda n’amanota 14 irushwa amanota atatu na Mtibwa Sugar iyoboye urutonde.

Masudi Djuma Irambona wavutse tariki 30 Kanama 1977 yakinnye umupira w’amaguru mu makipe atandukanye nka Prince Louis FC, Inter Stars FC z’i Burundi, APR FC, Rayon Sports na Kiyovu zo mu Rwanda.

Masudi yatoje Rayon

Yatoje yungirije mu ikipe y’igihugu y’u Burundi, atoza Rayon Sports yungirije anayibera Umutoza Mukuru ayihesha ibikombe bibiri mu myaka ibiri mbere yo kwerekeza muri Simba SC yari amazemo umwaka umwe.

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.