Search

Mbabazi Liliane wabyaranye abana babiri na Mowzey Radio yatangaje amagambo yakoze benshi kumutima

IBM Radio Listen Live

KANDA HANO UREBE VIDEO

Mbabazi Liliane, umwe mu bagore bar inshuti y’inkoramutima n’umuhanzi Mowzey Radio wahoze mu itsinda ririmba rya Good Lyfe mu gihugu cya Uganda, nyuma y’urupfu rw’uyu musore yafataga nk’inshuti ye y’ibihe byose yatangaje amagambo yakoze benshi ku mutima ubwo yagaragazaga uko amerewe ubungubu atakirikumwe n’uwo babyaranye Asante.

Mbabazi Liliane na Radio ni abantu bari bamaze igihe kitarigito bakundana kuko urukundo rwabo rwatangiye ubwo bahuriraga ku ishuri muri Kaminuza ya Makerere biga ishami rya Social Sciences nyuma yahoo aba bombi bakaza kuva kuntebe y’ishuri bahita binjira muri Muzika arinacyo cyakomeje gukomeza gusigasira umubano hagati yabo kugeza babyaranye n’abana.

Radio na Mbabazi Liliane babyaranye umwana w’Imfura bise Asante, guhere ubwo batangira kubaho nk’umugore n’umugabo ariko hagati aho ntabwo babanaga mu buryo bwemewe cyangwa buzwi ku mugaragaro kuko kugeza ubu abenshi baribakibafata nk’aba X mu rukundo.

Bumwe mu butumwa uyu mugore yatanze abunyujije kurubuga rwa Instagram akoresha, yagaragaje urukundo yakundaga Radio ndetse n’uko asaba Imana kumuha Imbaraga zo kumurerera abana bakazakomereza aho yasize agejeje.

Mu gihe cy’iminsi mike Radio amaze asezeweho bwanyuma n’inshuti n’abavandimwe, uyu Liliane yariyaririnze kugira icyo atangaza, kubera agahinda no kunanirwa guhita yakira ibizazane bimugwiririye ariko nyuma yahoo nibwo yaje kugaragaza icyo umutima we wari ubitse.

Mu magambo yanditse yagize Ati:”Nari maze igihe ngerageza gushaka imbaraga n’amagambo nakwandika kuri wowe Papa Asante. Nari mu nzozi kandi birasa n’aho ntazazivamo. Kumva ko ntashobora kukubona cyangwa kuvugana na we, ni ibintu ntarabasha kumva.

Wari imfura, umuntu udasanzwe kandi wari ufite impano itangaje mu kigero cyacu. Ndi umunyamugisha kuko nasangiye na we ibihe byinshi, ntewe ishema n’abana twabyaranye.

Wasize icyuho kinini, nta muntu Wabasha kukiziba. Ndagukunda cyane kandi iteka ryose Papa Asante, Imana nimpe imbaraga n’ubushobozi bwo kurera abana bacu bazabashe kusa ikivi cyawe.

Ndashimira umuntu wese wambaye hafi muri ibi bihe bikomeye, ndashaka kubashimira byimazeyo. Imana nibahe umugisha mwese! Papa Asante, turagukumbuye cyane kandi igihe cyose ndakubona iyo ndebye mu maso y’abana twabyaranye.

Amagambo ntiyabasha gusobanura uko merewe muri uyu mwanya. Ruhukira mu mahoro. Nzakomeza nzirikane ko ari Imana…”.

Umuririmbyi Mowzey Radio, yahoze aririmba mu Itsinda rya Good Lyfe yari amazemo imyaka isaga 10, akaba yaravutse kuya 26Mutarama 1985,yitaba Imana kuya 1 Gashyantere 2018. Yari inshuti magara ya Liliane Mbabazi ukomoka mu Rwanda bakaba bari bamaze kubyarana abana babiri.

Mbabazi Liliane ntiyagize icyo atangaza ubwo yajyaga gusezera ku mukunzi we

KWIZERA Juvenal

Comments

comments




Leave a Reply

Your email address will not be published. Required fields are marked *