Search

Menya amafunguro wafata kungirango uhorane uruhu rwiza rutemba itoto.

IBM Radio Listen Live

KANDA HANO UREBE VIDEO

Amafunguro atandukanye yiganjemo imbuto n’imboga afite umumaro w’uko afasha uruhu rw’umuntu.

Ubusanzwe umuntu wese arabizi ko gufungura ari ingezi kugira ngo umuntu abashe kubaho, nyuma y’ibyo hakiyongeraho ko abantu batari bake cyane cyane igitsina gore baba bashaka kugaragara neza ku isura n’iyo mpamvu ukunze gusanga batakaza igihe kitari gito mu nzu zitanga ubwiza rimwe na rimwe kurya ntibabihe agaciro kuko ashobora kureka icyo kurya akabwirirwa ariko inzara ze zigacongwa, umusatsi ukaboneka, amaherena nuko, ndetse n’amavuta yo kwisiga.

Nyamara ntabwo kujya muri bene izo nzu ari byo byonyine byatuma umuntu agira isura nziza y’uruhu yifuza kuko amafaranga akoresha ashobora kuyifashisha ahaha ibyo kurya byatuma asa uko ashaka bityo akaba ateye ibuye rimwe akica inyoni ebyiri.

Nk’uko bitangazwa na bloginity.com, ngo iyo uriye neza usa neza, nk’uko mu muco wacu bavuga ko “nta mwiza w’inzara kandi unyoye inka asa nayo!” Ntabwo ariko wumva umeze neza gusa ahubwo n’uko intungamubiri ziboneka mu byo uba wariye ari zo zituma umubiri umererwa neza na ya sura wifuzaga ikaboneka.

aliments-sains

Hano twaguteguriye ibyo kurya 10 by’ingenzi warya maze ukagira uruhu rwiza, runoze kandi rucyeye.

  1. IFI.

Nubwo abantu benshi batajya batekereza ku ifi iyo bavuze ku bijyanye n’uruhu, nyamara ubwoko bwinshi bw’amafi nka mackerel, salmon, trout na herring, bukize ku binure bya omega-3 acid, ikaba izwi nka cholesterol nziza.

Ibi binure bifasha mu kurinda uruhu rwawe imirasire y’izuba yarutwika, bigabanya ibyago bya kanseri y’uruhu, bifasha amatembabuzi kugera mu turemangingo ndetse bigabanya ububyimbe bw’uturemangingo two ku ruhu.

  1. IMBUTO Z’IBIHAZA.

Bamwe babyita ibihaza muri rusange, abandi bayita imyungu, cyangwa se amadegede. Hari n’ababyita akabyiniriro ka mukomanyare!!
Izi mbuto rero zibivamo ni ingenzi kuko zirihariye mu kuba zikungahaye kuri zinc, ukaba umunyungugu wihariye mu kugira uruhu rwiza. Zinc ifasha uturemangingo tw’uruhu kwisana, igafasha mu gutuma ikigero cy’ibinure byo mu ruhu gihora hejuru, ndetse ifatanyije na vitamini C, byongerera ingufu ibice binyuranye by’uturemangingo. Izi mbuto ushobora kuzikaranga ugahekenya nk’uko urya ubunyobwa cyangwa ukazikoramo ifu ikorwamo isosi.

  1. AMACUNGA n’INDIMU.

Imbuto muri rusange zikize kuri vitamini C. Gusa by’umwihariko indimu n’amacunga hamwe n’ibindi byose byo muri uwo muryango nka mandarine, chungwa-ndimu n’ibindi niyo soko ya mbere ya vitamini C. Iyi vitamini kandi yitwa ascorbic acid, ni ingenzi mu ikorwa rya collagen, iyi ikaba ariyo igize inyama zacu, imikaya, imiyoboro y’amaraso ndetse n’uruhu. Si ibyo gusa kuko iyi vitamini birazwi ko ari ingenzi mu gusukura umubiri, ikanarinda gusaza k’uruhu no kuzana iminkanyari, inafasha mu gukira vuba ibisebe.

  1. GREEN TEA/THE VERT.

Iki cyayi, kibamo tannin ikaba ifasha mu kurwanya iminkanyari. Ndetse tunasangamo ibinyabutabire binyuranye bifasha mu kurinda kanseri y’uruhu.

  1. ALMOND/AMANDE.

Benshi tuzi ko amavuta ava muri iki gihingwa (almond oil/huile d’amande) adufasha mu kuvura amaribori. Si icyo cyonyine kuko imbuto za almond zikungahaye kuri vitamini E ikaba irinda uruhu ingaruka mbi zaterwa n’izuba. By’umwihariko rero iyi vitamini ibamo ifasha mu kurinda kanseri y’uruhu ndetse ikanarinda uruhu gusaza.

  1. AMAVUTA YA ELAYO. 

Aya mavuta agirira uruhu akamaro haba imbere n’inyuma. Afasha mu kurinda, kugabanya no kuvura ububyimbirwe bw’uruhu ndetse akanafasha mu kurwanya kwangirika k’uruhu imbere ahafashe ku nyama. Kuyisiga by’umwihariko birinda iminkanyari n’uduheri twa hato na hato bikanatuma ugira uruhu rutoshye.

  1. BROCCOLI.

Aya ni amashu ajya kumera nka chou-fleur, gusa yo ntaba umweru, aba icyatsi kandi nta bibabi biba bihishe icy’imbere. Akungahaye kuri vitamini C na E, zose zikaba zizwiho kurinda uruhu imirasire y’izuba no kururinda uburozi buturuka mu mikorere y’umubiri, aho zituma ubwo burozi busohoka, ntacyo bwangije.

  1. INGANO.

Izi ngano si ifarini, kuko yo agahu k’inyuma kaba kakuweho. Ahubwo ni za zindi uzasarura ukazishesha umaze kuzitonora cyangwa ukisekurira mu isekuru gakondo. Umunyungugu witwa selenium niwo w’ingenzi kandi uboneka muri zo. Uyu munyu ukomeza uturemangingo two ku ruhu inyuma ukanarufasha koroha bityo ntirugaragaze gusaza.

  1. IBIKOMOKA KU MATA BYAGABANYIJWEMO IBINURE. 

Hari amata uzagura apfunyitse usange banditseho ngo Low fat milk. Niyo avugwa hano. Ndetse burya n’amacunda, ni ubwo bwoko bw’amata. Aya mata abamo vitamini A, ihindukamo beta carotene, igafasha uruhu kumererwa neza. Kandi iyi vitamini inafasha mu gusohora uburozi n’imyanda mu mubiri

  1. AMAZI.

Nubwo ariyo dusorejeho, nyamara ntiwagira uruhu rwiza utanywa amazi. Amazi afasha umubiri gusohora imyanda ndetse akanatuma impyiko zikora neza. Kunywa amazi kandi bituma uturemangingo twuzura bityo uruhu ntirube rwumye. Bituma ruhehera, kandi imikorere y’ibindi bice by’umubiri ikagenda neza.

Muri macye ngibyo ibyo warya , wanywa cyangwa wakisiga maze ukagira ubuzima bwiza, uruhu ruhehereye, runoze, rutoshye, rutagaragaza ubusaza, muri macye, uruhu rwiza.

Kanda hano udukurikire kurubuga rwacu rwa youtube, urasangaho ibiganiro n’amashusho y’indirimbo bishya twaguhitiyemo, ntiwibagirwe gukana ahanditse”Subscribe” Kanda hano ujye udukurikira kuri facebook yacu, ntiwibagirwe gukora Like

MUHIMPUNDU Chantal

Comments

comments




Leave a Reply

Your email address will not be published. Required fields are marked *