Search

Menya amakosa akomeye umukobwa akwiye kwirinda mu irambagizwa kugirango atazicuza mugiye yamaze kubana nuwo bakundana

IBM Radio Listen Live

KANDA HANO UREBE VIDEO

Kurambagiza no kurambagizwa ni umwanya mwiza abifuza kurushinga babona mu rwego rwo kwigana ingeso, ngo buri umwe abone niba azashobokana na mugenzi we igihe babanye. 

Muri iki gihe hashobora kuboneka amakosa kumpande zombi, ariko muri aka kanya, gukunda.com igiye kubagezaho amakosa ashobora kugaragara ku ruhande rw’abakobwa.

1. Gushamadukira imibonano mpuzabitsina

N’ubwo ntagihe cyemeranywaho na bose cyo kuba abakundana bakora imibonano mpuzabitsina, wikwemera kuryamana n’ umuhungu utarakumenya neza ngo anakwiyumvemo kuko iyo ubikoze akubona nk’ akajiji akajya yumva agukeneye kubera izo gahunda gusa. Kumenya imiterere yawe y’ inyuma (physique) ntibihagije; umusore aba akeneye no kumenya indi myifatire yawe ngo akugire umukundwa (sweetheart).

Kumwitondesha, ntushamadukire imibonano mpuzabitsina, ugategereza ko igihe kigera ni byo byiza.

2. Kumwibwira wese mukimenyana

Si byiza habe na mba kubwira umusore ku ikubitiro inkuru zibabaje z’ubuto bwawe cyangwa ibibazo byawe bwite cyangwa se iby’ umuryango ukomokamo, kuko bituma akubona nk’ umuntu uje ahetse ibibazo. Yego abakundana baba bagomba kumenyana ndetse ntibanagire ibyo bakingana, ariko byose ntibikorwa umunsi umwe, bisaba igihe, uko abantu bagenda bamenyerana.

Mutware buhoro buhoro, ugende umuhishurira amabanga yawe uko iminsi igenda ishira, wirinde guhita umubwira byose mugitangira iby’urukundo kuko ibyo biri muri bimwe bituma atakugirira amatsiko ndetse akanaguhararukwa vuba.

3. Kumuhamagara no kumwoherereza ubutumwa (SMS) kenshi cyane bikabije

Ikindi ugomba kumenya ni uko abagabo bishimira abakobwa b’ inshuti bishakiye bo ubwabo kurusha ababishakiye. Bityo rero, guhoza telefone ku gutwi umuhamagara, kumwoherereza SMS na e- mails z’urudaca ntibituma umwigarurira nk’ uko uba ubyifuza. Ni nayo mpamvu nukora aya makosa rimwe na rimwe uzajya umuhamagara akanga kuyifata, wakohereza SMS ntagusubize ngo umenye uko yayakiriye. Mwiteho yego ariko ubitware buhoro nawe umuhe umwanya akwiteho.

4. Kumwigiraho maneko

Yewe guhora umucunga iyo agiye, abo ari kumwe nabo ku buryo iyo umubonanye n’ undi mukobwa wihutira kumubaza ibyo baba bapanga, bishobora guhungabanya umubano wanyu. Ahubwo wowe mwereke ko umukunda, numunyura bizaba bihagije ngo areke abo bakobwa bandi keretse aramutse afite ingeso y’ ubushurashuzi.

5. Kumuhisha utugeso twe wanga

Kubera uburyo uba umukeneye hari ibyo akora bikagushegesha ariko ukanga kubimwereka ngo atakwanga. Uba wiyaruriraho amakara kuko izo ngeso azazikomeza, mu gihe nyamara iyo uza kumusaba wenda aba yarakumviye.Tekereza rero aramutse agushyize mu rugo uko byazagenda hagati yanyu nk’ abantu biyemeje kubana akaramata! Hari igihe cyagera ntubyihanganire kandi nawe atagishoboye guhinduka, bikaba ibibazo gusa.

6. Kumva ko azahinduka

Abantu, cyane cyane abagabo ntibapfa guhinduka uko bagenda baba bakuru. Rero niba hari ingeso nyinshi afite ubona utakwihanganira, byaba byiza umwihoreye ugashaka undi muhuje.

7. Kwisuzugura

Yego urukundo ruba rukeneye kuvomererwa no kuhirwa ku buryo buhoraho, ariko kuruha umwanya mwinshi cyane kugera aho wowe ubura uko kwiyitaho byaba bibaje! Gerageza byose ubijyanire hamwe, kuko umuntu umuha agaciro ari uko nawe ubwe abanje kukiha. Ushobora gushaka kumuharira umwanya wose, yabona utiyitaho akisangira abiyitaho wowe ukaburiramo. Niba rero urimo urambagizwa ushatse waca umubiri n’aya makosa, kugirango ejo utazavaho ushwana n’umukunzi wawe ngo nta mpanuro twaguhaye.Murarye muri menge rero bakobwa!

 

UMURERWA Yvette

Comments

comments




Leave a Reply

Your email address will not be published. Required fields are marked *