Search

Menya byinshi ku muhanzi Bob Marley wubatse amateka mu njyana ya Reggea ikunzwe na benshi ku Isi

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri iyi taliki ya 11 Gicurasi 2018, hari umuhango wo kwibuka no kuzirikana urupfu rw’umuhanzi Bob Marley wubatse amateka akomeye mu njyana ya Reggea kubera ubutumwa bukomeye yakunze kugenda atanga abicishije mu bihangano bye.


Impamvu nyamakuru ituma umuhango wo kwibuka uyu muhanzi uba ku italiki y’uyu munsi, byakomotse ko ari nayo taliki yitabiyeho Imana hari ku italiki ya 11 Gicurasi 1981 aguye mu mujyi wa Miami muri Leta ya Florida muri Leta Zunze Ubumwe za Amerika.

Abakunzi b’injyana ya Reggea ku Isi hose, by’umwihariko Abarasita, baribuka urupfu rw’uyu muhanzi, bibuka zimwe mu nama nziza yakundaga kugenda atanga ziganjemo gukundana no kubahana nk’imico myiza igaragaza umurasita w’ukuri.

Bob Marley ni umuhanzi ukomoka mu gihugu cya Jamaica,yanasigiye isura nziza yo kuba aricyo gifite mu mateka yacyo ubusugire bw’injyana ya Reggea, uyu muhanzi ubusanzwe yitwa Robert Nesta Marley izina ry’ubusitari akitwa Bob Marley, yavutse tariki ya 6 Gashyantare muw’ 1945, mu gace kitwa Nine Mile mu gihugu cya Jamayika( Jamaica).

Bob Marley, ku rwego rw’umuziki we yandikiyemo amateka mu njyana ya Reggea, yabaye umuhanzi w’icyitegererezo wamenyekanishije byinshi kuri iyi njyana ku Isi yose, niwe usa naho ari inkingi ya mwamba muri Reggea bikomotse kumusaruro mwiza yatanze aririmba ubutumwa bufite icyo buhindura cyanwa bwongera ku mibereho ya muntu.

Uyu muhanzi ni umwe mu bahanzi bagurishije CD nyinshi ziriho indirimbo ziririmbwe mu njyana ya Reggea, akomeje kwitirirwa umwami wayo ku Isi hose.

Bob Marley yanditse amateka akomeye mu njyana ya Reggea

Bob Marley yavutse kubabyeyi bafite uruhu rutandukanye kuko nyina umubyara uzwi ku izinarya Cedella Marley, ari umwirabura w’umunyajamayika mu gihe se uzwi ku izina rya Narval Marley ari umuzungu w’umwongereza wavukiye muri Jamayika. Se wa Bob Marley yari umusirikare ufite ipeti rya kapiteni.

Bivugwa ko uyu muryango waba ukomoka ku bayahudi bo muri Siriya baje baturuka mu bwongereza mbere yo kujya gutura mu gihugu cya Jamayika. Ababyeyi ba Narvel Marley ngo ntibanejejwe no kubona umuhungu wabo acudika n’umugore ufite uruhu rwirabura. Mu bwana bwe, ntiyashimishijwe no kutabona se hafi ye, kuko afite hagati y’imyaka itanu n’itandatu nibwo se yamujyanye mu mujyi kugira ngo amushyire mu ishuri.

Nyuma yo kumara igihe atamenya amakuru y’umwana we, nyina wa Bob Marley yamusanze mu muhanda wa Kingston aho yari yarahawe umukecuru yafashaga amutuma. Iyi niyo yabaye inshuro ya nyuma Cedella yabonaniyeho na Narval ahita amwambura umwana we. Mu gihe cye cy’ubugimbi, Bob Marley yavuye mu buzima bw’icyaro butari bumworoheye, ajya gushakisha ubuzima mu mujyi i Trenchtown muri Kingston.

Bob Marley yasohoyse indirimbo ye yambere afite imyaka 17 muw’1962, nyuma yo kugera mu Mujyi wa Trenchtown.ubwo yahamenyaniraga na Neville Livingston wanitwaga Bunny Wailer na Winston Hubert McIntosh unitwa Peter Tosh akaba ari nabo bafatanyije kuyihimba.

Indirimbo yabumbuye impano ya Bob Marley yayise “judje not’ bisobanura ngo ntugace urubanza. Muri iki gihe indirimbo ze ntizakunzwe cyane ariko ntibyamuciye intege yakomeje gushyira ingufu ze mu buhanzi. Mu 1963, afatanyije na Junior Braithwaithe, Peter Tosh na Bunny Wailer bakoze itsinda bise ‘Wailers bisobanura ‘ababibyi’. Bashoboye gusinyana amasezerano(contrat) na studio One mu 1964 bikaba byaraborohereje gusohora indirimbo zabo.

Nyuma yo kumenyekana cyane kwa Bob Marley, yitabye Imana ku italiki ya 11 Gicurasi 1981, urupfu rwe rwabaye amayobera bamwe bavuze ko yishwe n’itabi yanywaga cyane , abandi bati ni Kanseri. Menya ngo byagenze bite?
Mu mwaka ushize nibwo umusaza w’imyaka 79 y’amavuko wahoze akorera ikigo cy’ubutasi CIA, muri leta zunze ubumwe za Amerika , Bill Oxley,aherutse gutangaza ko akomeje kubabazwa cyane n’uburyo yahitanye ubuzima bw’umuntu w’ingirakamaro ku Isi nka Bob Marley.

Ibi Bill Oxley yabitangaje ubwo yaragiye kwitaba Imana kuwa mbere tariki ya 25 ugushyingo 2017 aho yararwariye mu bitaro bya Mercy Hospital muri leta ya Maine ubwo yatangazaga ko ananiwe kubaho.
Oxley, wakoreye CIA imyaka 29 ubwo yakoraga mubayobozi bakuru biki kigo cyubutasi, yavuzeko yakoreshwaga maze akica abantu bakomeye harimo na rurangiranwa mu muziki Bob Marly .

Uyu musaza yakoreshaga imbunda za mudahushwa (sniper) akaba yari n’inzobere muguhagarika ndetse no gutera mu bantu ibintu bibi nk’uburozi, ibiturika ndetse na Cancer. Igihe cyose avuze CIA, ahita yongeraho ko ari ikigo kigendera kumategeko yacyo gusa yanakomeje avuga ko yakoranaga n’abantu batatu bakoraga ubwicanyi bushingiye kuri politike mu bihugu by’amahanga.

CIA rero mu gushaka kwivugana Bob Marley bohereje abasore batatu ngo bajye kumusura bamubonereho bamurase maze mukumurasa baramuhusha bamurasa mu kaboko k’ibumoso nyuma nibwo yaje guhunga ajya kwihisha mu musozi wa Blue Mountain muri Jamaica ari naho Oxley yamwiciye.

Aha niho Oxley yasanze Bob kuberako yakoresheje ubwenge bwinshi cyane kugirango amufate , Oxley yiyise umufotozi ukorera ikinyamakuru cya New York Times maze agenera Bob Marley impano y’inkweto zo mu bwoko bwa Converse kugira ngo azamwivugane neza.

Umugabo wivuganye ubuzima bwa Bob Marley n’uwo bari kumwe


Bob Marley akimara kwakira iyo mpano yarishimye atangira kuzigera, ari nabwo uyu mugabo yahise amurasa akanamutera ubumara burimo indwara zitandukanye igihe yigeraga mu kuguru kw’iburyo.
KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.