Menya byinshi kuri Mantra Made umuhanzi Nyarwanda ubifatanya no gutunganya Muzika

Vital Kayiranga n’umunyarwanda utunganya muzika muri Dream Studios, azwi nka Mantra Made mu gutunganya indirimbo akaba abifatanya no kuririmba. asanga urwego rwa Production mu Rwanda rumaze kuzamuka mu buryo bugaragara.

Nta myaka myinshi aramara muri aka kazi ko gutunganya Muzika, mu bahanzi bazwi bamaze kumunyura imbere harimo Gisa Cy’Inganzo,Racine,King Ohallah n’abandi batandukanye barimo bamugana kubera ubuhanga n’ubwiza bw’indirimbo bisohoka muri Studio ye.

Mu kiganiro Mantra Made yahaye Ibyamamare.com yagarutse kw’iterambere ryo gutunganya indirimbo mu Rwanda (Music Production) avuga ko iki gisata kiri kugenda cyaguka kinatera imbere ku buryo bugaragara.

“Production yo murwanda imaze kugera ku rwego rwiza hamwe n’ibindi bihugu kuko aba producers dufite uyu munsi bose n’abahanga kandi ibintu bakora barabisobanukiwe si nka cyera,ubu dufata umwanya tukihugura kuko utize wasigara ”

Uyu mu Producer uri mu bakizamuka avuga ko bitoroshye guhita ufatisha mu ruhando rwa muzika uri Producer mushya kuko hari n’abahanzi bamaze kubaka izina baba bumva batakorana naba Producers bashya.

“Producer ukizamuka ntago biba byoroshye kumenyekana kuko production ijyana nibikorwa gusa uko ukora cyane kandi ibintu byiza biraza kuko ubu abanyarwanda basigaye basobanukiwe umuziki mwiza uwariwo Gusa imbogamizi zijya zibaho rimwe na rimwe nko kubahanzi bo murwanda bamaze kugira izina nuko badakunda gukorana naba producers bakizamuka nyamara ntibamenyeko ariryo banga abo mubihugu bifite umuziki umaze gutera imbere cyane bakoresha. “

Mantra Made Producer mushya ufite ubuhanga mu gutunganya Muzika

Mantra Made atanga urugero rw’abahanzi bakomeye bakorana naba Producers bakizamuka kandi imishinga yabo ikaba myiza cyane

“Ingero ni nyinshi dufatiye nko muri Nigeria nka Burna Boy album ye nshyashya yamenyekanye no hanze ya Africa yakozwe naba producers bakizamuka , abahanzi bacu nibahumuke bakorane nimpano zaba young producers barebe ahantu umuziki wabo ugera “

Uyu mu Producer avuga ko mu gutunganyiriza indirimbo Abahanzi hari ikintu yiyiziho kitajya kimunanira muri aka kazi

“Ngewe mubintu maze kumenyerwaho nuko ntamuhanzi ujya ananira uko byagenda kose kuko nange nd’umuhanzi buriya rero characters z’umuhanzi buriya ntizijya zitandukana cyane iyo mwahuje rero ubundi mukorana neza “

Usibye gutunganya indirimbo uyu musore afite n’impano yo kuririmba akaba abifatanya no gufasha abahanzi barimo uwitwa Roy Paul,Juny Dash,Thiran n’umukobwa witwa Calene bibumbiye mucyo yise VOLT MUSIC.

Mantra Made avuga ko gutunganya indirimbo(Production) ndetse no kuririmba nta kibangamira ikindi kandi kuri we byuzuzanya akaba asaba abahanzi kumugana kuko muri Dream Studios bafite umwihariko wo gukorera umuhanzi indirimbo bakaba banayimugereza mw’itangazamakuru kugira ngo imenyekane bakaba bagira n’akarusho ko uramutse ushatse ko bagukorera indirimbo uri iwawe bahagusanga.

DREAMS STUDIO ikaba ihereye Nyurugenge-Nyamirambo ahazwi nko kuri 40 haruguru gato yahitwa kuri Dialogue.

Ndare by Mantra Made ft Roy Paul

Tanga Igitekerezo ukoresheje Facebook

SHARE