Menya uburyo 5 wakoresha ushaka kwiyunga n’umukunzi wawe igihe wamurakaje cyane

Kubana neza n’uwo wikundira, ni icyifuza buri wese agaragaza byumwihariko uwifuza ko urukundo rwe rukomera. Kumenya kuganira, kubwirana byose no kubwizanya ukuri , benshi bemera ko ari ipfundo ry’urukundo no gukundana urukundo rugakomera.

Uyu munsi, IBYAMAMARE.com, duhisemo kukwereka ubu buryo 5 wakoresha ushaka kongera  kubona urukundo rwawe n’umukunzi wawe rwongeye kuryoha nk’uko ubyifuza.

    1. Irinde Kuvugana uburakari,  Usubiriramo umukunzi wawe ibyo wari wamubwiye

Haguruka Tugende…! Nakubwiye ngo “Haguruka tugende”… Kuvuga wisubiramo, ubwirana umukunzi wawe uburakari bwinshi n’umujinya ni ikosa.

Ushaka kwiyunga n’umukunzi wawe ,  igihe mutari kuvuga rumwe, ni ngombwa kutamusubiriramo amagambo wari wamubwiye ngo uyasubiranemo umujinya.

Kuvugana umutuzo, no gushaka uburyo bwiza bwo kumvikanisha igitekerezo cyawe, ni ibanga rikomeye mu byagufasha kwiyunga n’umukunzi wawe

 2. Irinde ijambo rihutaza umukunzi wawe

Hari amagambo asanzwe wakoresha mu buryo bumwe cyangwa ubundi, gusa  bikaba byiza kwirinda kuyakoresha igihe uri kuvugana n’umukunzi wawe cyangwa ukayashakira adateza imidugararo hagati yanyu.

  • Aho kumubwira uti “ibi uvuga sibyo” cyangwa “Ibiribyo ni ibi” mubwire uti “Ibi uvuga siko mbyumva” cyangwa”ibi uvuga niko mbyumva”
  • Aho kumubwira uti “Iby’ukuri ni ibi” mubwire uti “Ndatekereza ko ibikwiriye ari ibi”

3. Gerageza kumva amaranga mutima wawe

Birashoboka ko intonganya no kutumvikana biri kugaragara hagati yanyu, biri guterwa n’amarangamutima yawe wowe ubwawe. Uburakari wifitemo n’umujinya w’ako kanya bishobora kuba aribyo nyirabayazana w’ibyago byo kutumvikana wowe n’umukunzi wawe murimo.

Ni ngombwa kwiyumva, ukamenya ikitagenda muri wowe, ibyo ukwiye gucyemura, ibyo ukwiye gukosora ndetse n’ibyo ukwiye gushyira ku murongo koko nk’uko bikwiriye.

Igihe wisanze ufite uburakari wakwifashisha ibi bikurikira.

  • Gusohoka munzu gatoya, ukajya gutembera ugenda gacye gacye wumva akayaga, ibintu bigufasha gucururuka, no kongera kugira umutima utuje
  • Gukora sport nabyo bishobora kugufasha
  • Kumva umuziki utuje
  • Kuba wahamagara inshuti yawe mukaganira

Ni ngombwa kwitiranya amakosa ari gukorwa n’uwo mukundana n’amarangamutima yawe nyirizina

4. Irinde gufata ibyemezo byihuta utabanje gutekereza

Burya si mu rukundo gusa umuntu afata ibyemezo bihubutse. Gusa ku mukunzi wawe birashoboka ko kubera icyo ubonye wakwihutira gufata icyemezo, Gihubukiwe, ibintu bishobora kwangiza byinshi.

Ni ingenzi kwiha igihe mbere yo gutangaza icyemezo wafatiye umukunzi wawe cyangwa se icyemezo gikomeye ku buzima bwanyu bw’urukundo.

Ni byiza kwiha igihe, ugahitamo iminsi runaka hagati yicyemezo ufashe n’igihe uzakimubwira kugira wihe igihe cyo kubitekerezaho neza kandi ugitangaze wizeye neza ko nta kwibeshya kuremo

5. Irinde kumwereka ko iteka ari wowe ufite ukuri

Igihe uwo ukunda, wifuza koko ko mwiyunga, ni ingenzi cyane kugendera kure impaka zigerageza kwerekana ko ari wowe ufite ukuri, ko we ari umubeshyi cyangwa iteka yibeshya.

Kudaha agaciro ibitekerezo by’umukunzi wawe, kutumva no kutitegereza ukuri kuri mubyo atekereza cyangwa yifuza bishobora kwangiza kuburyo buhoraho urukundo rwanyu.

Niba rero umukunda kandi wifuza ko urukundo rwanyu rukomera, nibyo tekereza, ariko umenye nawe guha agaciro ibitekerezo bye.

Tubwire muri comment, wowe wumva ari iki cyafasha abakundanye kongera kwiyunga ku buryo bworoshye igihe bashwanye?

Tanga Igitekerezo ukoresheje Facebook

SHARE