Search

Mico The Best yahishuye uburyo yafashije Uncle Austin kugirango atorwe muri Guma Guma ya 8

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mico The Best umwe mu bahanzi bakora injyana ya Afro Beat mu Rwanda, akaba ari no mu bahanzi 10 bazitabira irushanwa rya Primus Guma Guma ya 8, yahishuye ko ariwe wagize uruhare mu kugirango mugezi we Uncle Austin atorwe mu bazitabira iri rushanwa muri uyu mwaka.

Umuhanzi Mico The Best ngo niwe wagize uruhare kugirango Uncle Austin atorwe muri PGGSS8.

Mico The Best avuga ko yagize uruhare rukomeye mugutuma mugenzi we Uncle Austin nawe atoranywa mu bahanzi bazitabira irushanwa rya Primus Guma Guma Super Star ku nshuro ye ya mbere.

Mu kiganiro Mico yagiranye na Radio Rwanda, yavuze ko yarebye mu bahanzi bose bakora injyana ya Afrobeat asanga we na Uncle Austin ari bo bakwiye guserukira iyi njyana muri iri rushanwa ngarukamwaka.

Yagize ati “Nifuzaga kujyana muri Guma Guma na Uncle Austin. Uncle Austin yari umuntu utarakundaga kubona ariya mahirwe ku mpamvu njyewe ntazi izo arizo ariko nareba njye ndi ku ruhande nkabona arabikwiye”.

Akomeza avuga ko ubwo yumvaga y’uko irushanwa rya Guma Guma rigarutse yitabaje itangazamakuru asaba ababishinzwe kugira ngo ntibazarenze ingohe Uncle Austin. Ati “Iryo rushanwa rero ryegereje naravuze ngo ariko uyu muntu aho nibyashoboka ko ijwi ryanjye rishobora kugera kure abantu bakumva ibyo mvuga.”

Mico yashimangiye ko uruhare rwe rwigaragaje bitandukanye n’ibyabaga mu myaka yatambutse aho Uncle Austin atajyaga ashyirwa mu bahatanira Guma Guma ariko uyu mwaka akaba arimo.

Abajijwe niba ari ibintu yavuze akuye ku mutima nyuma y’uko yakunze kumvikana ahangana na bagenzi be barimo Senderi, Kamichi, Kitoko na Uncle Austin buri wese yiyita umwami w’injyana ya Afrobeat, asubiza ko kuba mu irushanwa rya Guma Guma bisaba guhangana n’umuntu ushoboye. Ngo kuri we guhangana kwiza ni uguhangana n’umuhanzi ufite ibyo yakoze byatumbagije umubare w’abafana.

Uncle Austin n’inshuro ye yambere azitabira irushanwa rya PGGSS.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.