Search

Minisitiri yanze kurahiriria kuri bibiliya ahita yirukanwa burundu muri guverinoma

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Minisitiri muri Guverinoma nshya ya Tchad yirukanywe ataratangira inshingano ze, nyuma yo kwanga kurahirira kuri Bibiliya kubera ko ukwemera kwe kutabimwemerera.

Ku wa Kane nibwo abaminisitiri muri Guverinoma barahiriye inshingano zabo nshya, hakaba harasubirwagamo amagambo yateguwe n’Inama Nkuru y’Abayisilamu.

Djibergui Rosine Amane

Hakoreshejwe indahiro yateguwe n’Abayisilamu gusa, nyuma y’uko abakirisitu banze kuyitegura bavuga ko Bibiliya itaberemerera kurahira.

Muri uku kurahizwa, Umuvugizi wa Guverinoma, Madeleine Alingué yasabye ko hakorwa impinduka mu ndahiro ye, ijambo ‘Allah’ rikoreshwa n’Abayisilamu rigasimbuzwa Imana, ibintu yabanje kwangirwa n’Urukiko rw’Ikirenga kugeza ubwo Perezida Idriss Déby ategetse ko babimwemerera.

RFI dukesha iyi nkuru ivuga ko Djibergui Rosine Amane wari wagizwe Minisitiri ushinzwe ibijyanye n’indege za gisivili we bitaje kumugendekera neza, kuko yasabye ko indahiro isimbuzwa inyandiko y’ubudahemuka akayishyiraho umukono, ariko urukiko rukamutsembera.

Perezida Déby yahise amusimbuza Gen Mahamat Taher Rozzi wari witabiriye uyu muhango, ndetse ako kanya ahita arahirira inshingano nshya yahawe.

Kuva uyu muhango warangira, indahiro ku bahawe imyanya mu buyobozi yahise itangira kugibwaho impaka by’umwihariko ku ruhande rw’abakirisitu.

Mu Cyumweru gishize nibwo Perezida Déby yashyizeho abaminisitiri 29 bagize guverinoma nshya itarangwamo Minisitiri w’Intebe, nyuma y’uko uyu mwanya ukuwe mu Itegeko Nshinga Tchad igenderaho.

Comments

comments




Leave a Reply

Your email address will not be published. Required fields are marked *