Search

Miss Africa Netherlands: Uwase Sandra yegukanye igihembo cya Miss Social Media agitura abanyarwanda bose

IBM Radio Listen Live

KANDA HANO UREBE VIDEO

Umunyarwandakazi Uwase Sandra , umwari w’imyaka 20 y’amavuko yahesheje igihugu cye cy’u Rwanda ishema ubwo yegukanaga umwanya wa Miss w’imbugankoranyambaga( Miss social media) mu irushanwa ryiswe Miss Africa Netherlands.

Umukobwa waserukiye abandi  ku isonga ryo gutwara ibihembo nyamukuru biba byahuruje benshi muri iryo rushanwa byegukanywe na Miss Hawa Conteh ukomoka mu gihugu cya Siera Leone

Uwase Sandra wahigitse bagenzi be maze agatwara ikamba rya Miss Social Media yashimiye Imana kuba yegukanye igihembo maze anahamya ko iyi ariyo ntangiriro, akomeza avuga ko ibyiza biri imbere kandi ko yiteguye ko azitwara neza ubutaha.

Mu kiganiro yagiranye na Ibyamamare.com yagize ati: “Ndashimira Imana, iyi ni intangiriro ishimishije ntabwo ari aha bizarangirira. Iyi ni intangiriro y’umugambi w’Imana kuri njye. Ntabwo natsinze ariko nabaye  miss Social Media kubera uburyo mwanshigikiye kandi mwashakaga ko ntsinda. ”

Sandra yakomeje agira ati :”Ntimwakumva uburyo mbashimiramo, ndabashimiye mbikuye kundiba y’umutima !. Nakoze uko nshoboye kose kugirango mpeshe ishema igihugu cyanjye cy’u Rwanda neza, narabikoze kandi nzahora mbikora.”

Miss Africa Netherlands ni irushanwa ribera mu gihugu cy’Ubuholandi rishyigikira ndetse rifasha abakobwa b’Abanyafurika gutera imbere. ryatangiye muri 2013.

Uyu mwaka abahatanaga bari 13 bakomoka muri Sierra Leone, Gambia, Ghana, Senegal, Cote d’Ivoire, Guinee, Cap Vert, Madagascar, RDCongo n’u Rwanda rwari ruhagarariwe na Uwase Sandra.

Uwase Sandra yagiye kuba mu gihugu cy’Ubuholandi afite imyaka 5. Abana na nyina ndetse na murumuna we. Kugeza ubu Uwase ni umunyeshuri muri kaminuza ya Hogeschool Rotterdam mu ishami rya ‘Social work’ none yabaye Miss social media.

Kugira ngo witabira iri rushanwa , bisaba ko wiyandikisha kuri internet, nyuma hakaba akanama nkemurampaka gatoranya abagera mu cyiciro cyanyuma nyuma yo kubatoranya inshuro zigera kuri eshatu.

Miss UWASE Sandra nubwo atatwaye igihembo nyamukuru cy’umwanya wa mbere yagaragaje ko icyo yakiriye gihagije kuriwe kuko ari nayo ntangiriro yo kunguka byinshi bitandukanye bigize amarushanwa.

Miss Uwase Sandra yegukanye umwanya wa Miss social Media

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *