Miss Akiwacu Colombe yahishuye uburyo yagiye gusaba inkunga y’abatishoboye bakamusaba gusambana

Uwabaye Nyampinga w’u Rwanda, mu mwaka wa 2014, Akiwacu Colombe, yatangaje byinshi byerekeye ubuzima bwe ubwo yari afite ikamba rya Miss Rwanda ndetse anahishura ko hari umugabo washatse ko baryamana akamufasha mu mushinga yari arimo wo kubakira abatishoboye mu Karere ka Rwamagana.

Akiwacu Colombe yabaye Miss Rwanda 2014

Aganira n’itangazamakuru , Akiwacu yabajijwe nimba nta muntu wigeze umushuka ku bijyanye no gukora imibonano mpuzabitsina mugihe yari afite ikamba rya Nyampinga w’u Rwanda, ahamya ko bahari nubwo yabangiye.

Yagize ati:”…Nahuye nabyo byinshi cyane! Akenshi biba iyo ugiye gusaba inkunga y’ibintu runaka, njye nabibonye cyane ndi gukusanya inkunga yo kubakira incike zo mu Karere ka Rwamagana. Wajyaga nko kureba umuntu yakubwiye ngo uze, mugasangira mugatangira kuvuga, bikarangira nta kintu aguhaye ari kugusaba ibindi byerekeye ubusambanyi, ukumva uratengushywe kuko wumvaga ari umuntu muzima ugiye kugufasha ugasanga ni nk’umuntu ukuruta cyane.

Nyuma yo kuba Miss, Akiwacu Colombe yavuye mu Rwanda muri Nzeri 2015 yerekeza mu Bufaransa gukomeza amasomo ubu yasoje icyiciro cya kabiri cya kaminuza, ari kwiga icyiciro cya Gatatu cya Kaminuza.

Akiwacu Colombe akunze kugaragara mu birori byo kwerekana imideli

Ubu Colombe yagarutse mu Rwanda , mu gikorwa cyo kuzagira uruhare mu gutanga amanota mu irushanwa rya Miss Supranational rizaba tariki 8 Nzeri 2019.

Tanga Igitekerezo ukoresheje Facebook

SHARE