Miss Rwanda 2017 kwiyandikisha bigeze kure

0

Miss Rwanda n’irushanwa ryo gushakisha umukobwa wambikwa ikamba rya nyampinga w’u Rwanda riba buri mwaka. Muri uyu mwaka ubwo iri rushanwa rizaba riba kunshuro yaryo ya karindwi kwiyandikisha ku bakobwa bazaryitabira bigeze kure ndetse mu minsi ya vuba haraba hatangiye igikorwa cyo kunjonjora abakobwa bazahagararira intara zose n’umujyi wa Kigali.

c06zk54wgaeh0l6
Iki nicyo kirango gishya cyemejwe cya Miss Rwanda

Nkuko bitangazwa na Ishimwe Dieudonné umuyobozi wa Rwanda Inspiration Backup ngo nubwo ntagihe kinini kirashira igikorwa cyo kwiyandikisha gitangiye hamaze kuboneka abakobwa barenga 60 bashaka guhatanira ikamba rya Nyampinga w’u Rwanda2017.

Umujyi wa Kigali n’Intara y’Uburasirazuba nizo ziri imbere mu kugira umubare munini w’abakobwa bamaze kwiyandikisha.

Amajonjora yambere yo guhitamo abakobwa bazahagararira intara azaba tariki ya 14 Mutarama 2017 abere i Rubavu.

Aya manjonjora azarangira bahisemo abakobwa 25 mu ntara zose n’umujyi wa Kigali hanyuma kuya 5 Gashyantare aba bakobwa baziyerekana mu birori bizabera kuri stade ntoya i Remera maze batoranywemo abakobwa 15 arinabo bazerekeza mu mwiherero (Boot camp), nyuma yuwo mwiherero bazamaramo ibyumweru bibiri nibwo hazamenyekana umukobwa uzegukana irikamba.

c15b747acdf68306b9d8262905ac94fa
Abakobwa 15 batoranyijwe gukomeza mwirushanwa ry’ubushize.

Umukobwa uzegukana irikamba rya nyampinga w’u Rwanda 2017 azamenyekana ku itariki ya 25 Gashyantare 2017, akazaba asimbuye Mutesi Jolly urifite kugeza ubu.

Ibihembo bisanzwe uwegukanye irikamba agenerwa n’umushahara azajya wa buri kwezi ungana n’amafaranga y’u Rwanda ibihumbi 800 buri kwezi mu gihe cy’umwaka amarana iri kamba, azanahabwa imodoka nshya nziza. Ikindi gikomeye ni uko agomba kuzahita ahabwa itike yo kwitabira amarushanwa ya nyampinga w’Isi (Miss World).

Ibigenderwaho kugira ngo umukobwa yemererwe kujya mu majonjora:

1. Kuba ari Umunyarwandakazi
2. Kuba afite hagati y’imyaka 18-24
3. Kuba yararangije amashuri yisumbuye
4. Kuba avuga neza Ikinyarwanda n’urundi rurimi, hagati y’Icyongereza, Igifaransa n’Igiswahili
5. Kuba afite indeshyo ya sentimetero 170 kuzamura
6. Kuba apima ibiro hagati ya 45-70
7. Kuba atari yabyara
8. Kuba yiteguye kumara byibuze umwaka atuye mu Rwanda, igihe yatsinze
9. Kuba atiteguye gukora ubukwe mu gihe cy’umwaka yambaye ikamba
10. Kuba yiteguye guhagararira u Rwanda mu gihe bikenewe
11. Kuba yiteguye gukurikiza amategeko n’amabwiriza asanzwe agenga Nyampinga w’u Rwanda.

Kwiyandikisha bikorerwa kuri internet unyuze kurubuga rwa www.missrwanda.rw

calendar
Indanga bihe yiri rushanwa ryuyu mwaka nuko iteguye

 

Ivan Heritier@Ibyamamare.com

20,853 total views, 43 views today

ANDIKA ICYO UTEKEREZA KURI IYI NKURU