Search

Miss Rwanda 2018: Amataliki ndetse n’aho amajonjora azabera byamenyekanye

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Rwanda Inspiration Backup isanzwe itegura irushanwa ry’abakobwa baba bagomba gutorwamo  umwe uzaba nyampinga w’igihugu, Miss Rwanda , yagaragaje ingengabihe y’uko igikorwa cyo gutora Miss Rwanda 2018 kizagenda n’impinduka zizagaragaramo.

Abategura irushanwa rya Miss Rwanda ubwo bari bari mu kiganiro n’abanyamakuru

Nk’uko umuyobozi wa Rwanda Inspiration Back Up, Ishimwe Dieudonne yabivuze ubwo yagiranaga ibiganiro n’itangaza makuru,yavuze ko Miss Rwanda 2018 izarangwamo  n’impinduka nyinshi kugira ngo iryo rushanwa rikomeze kuba hejuru mu bwiza n’imitegurire.

Yagize ati “Nyampinga w’u Rwanda aba yuje uburanga burimo n’indangagaciro z’umuco Nyarwanda kandi afite ubwenge.”

yakomeje avuga agira ati “Tuzanajya no mu buzima bwe hanze y’aho bakorera umwiherero (Boot Camp) turebe uko yitwara, ku mbuga nkoranyambaga yitwara ate, ese ibyo yahize kuzakora hari nibura icyo ashingiraho avuga ko azabikora cyangwa hari icyo yakoze n’ubwo cyaba gito azaheraho?”

Dore uko gahunda iteye.

Tariki ya 13 Mutarama 2018 : Mu Ntara y’Amajyaruguru , mu Karere ka Musanze muri La Palme Hoteli

Tariki ya 14 mutarama 2018: Mu Ntara y’u Burengerazuba , mu Karere ka Rubavu muri Hill View Hoteli

Tariki ya 20 mutarama 2018: Mu Ntara y’Amajyepfo , mu Karere ka Huye ni muri Credo Hoteli

Tariki ya 21 mutarama 2018: Mu Ntara y’u Burasirazuba , mu karere ka KayonzaSilent Hill Hoteli

Tariki ya 27 mutarama 2018: Umujyi wa Kigali ni muri Hill Top Hoteli mu karere ka Gasabo

Kwiyandikisha bikorwa kuri internet aho uca kuri www.missrwanda/registration

Imodoka izahembwa Miss Rwanda 2018

Nyuma yo gutoranya abakobwa tariki 10 Gashyantare 2018 hazabaho irindi jonjora ry’ibanze rizitabirwa n’abakobwa mirongo itatu hakazavanwamo 20 berekeza mu mwiherero aho kuba cumi na batanu nk’ibisanzwe. Kugeza ubu abakobwa barenga 150 nibo bamaze kwiyandikisha aho bagomba gutorwamo umwe.

Ibirori byo gutora Nyampinga w’u Rwanda wa 2018  uzasimbura Iradukunda Elsa bizabera muri Convention Centre , Tariki ya 24 Gashyantare 2018.

 

Richard Uwizera@ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.