Miss Rwanda 2020, Nishimwe Naomi yahawe urwamenyo kubera amanota yabonye mu kizamini cya Leta cy’abarangije amashuri yisumbuye

Mu gihe hashize iminsi mike u Rwanda rubonye nyampinga wa 2020,uwahize abandi kuri uwo mwanya Nishimwe Naomie yongeye kuvugwaho n’abatari bake nyuma y’uko amanota y’ikizamini cya Leta cy’abarangije amashuri yisumbuye asohotse kuri uyu wa Mbere tariki 24 Gashyantare 2020.

Uyu nyampinga w’u Rwanda 2020 yambitswe iri kamba mu gihe yari ategereje ko amanota y’ikizamini cya Leta cy’abasoje amashuri yisumbuye asohoka.

Nishimwe Naomie yigaga mu mashuri yisumbuye mu ishami rya MEG ( mathematics,Economics and Geography) ariko muri ayo masomo yose iryo yageragejemo ni rimwe ryo nyine kuko nko mu isomo ry’imibare yabonye inyuguti ya F,Ubukungu abonamo inyuguti ya F naho Ubumenyi bw’isi abona inyuguti ya E.

Miss Rwanda 2020

Amanota yose yabonye ni 13 aho bigaragazwa n’izo nyuguti zibonwa n’uwatsinzwe amasomo mu buryo bukabije.

Nk’uko bizwi,ni uko umuntu watsinze byibura amasomo abiri muri atatu ariwe uba wemerewe kwiga muri kaminuza.Ntakabuza rero ko uyu mukobwa wabaye nyimpinga w’u Rwanda 2020 ashobora kutaziga kaminuza kuko amanota ye kugeza ubu ntabimwemerera.

Gusa vuba aha mu mwiherero w’abayobozi bakuru b’igihugu,mu myanzuro yafatiwemo ni ukutazongera kwimura umunyeshuri atatsinze nk’uko byari biharawe ko buri munyeshuri wese agomba kwimuka yaba yatsinze cyangwa atatsinze.Bityo rero ntawamenya niba uyu mukobwa azasibiri cyangwa azakomeza kwiga kaminuza ariko izigenga.

amanota bivugwako uyu mukobwa yabonye mu kizamini cya Leta

Kugira ngo wemererwe kwiga Kaminuza mu Rwanda ugomba kuba nibura waratsinze amasomo abiri agize ishami wize, ibi Miss Naomie ntabyo afite , Icyakora kugira ngo ube Miss Rwanda ntabwo harebwa ku manota ufite ahubwo upfa kuba wararangije amashuri 6 yisumbuye.

Mu byashingiweho batoranya Miss Rwanda 2020 harebwe uburanga (amanota 30%), ubuhanga mu kuvuga (amanota 40%) n’uko umukobwa yiyerekanye (amanota 30%) byose bikagira igiteranyo cy’amanota ijana.

Mbere y’uko amanota atangazwa, Sibomana Alphonse, uyobora ishuri rya Glory Secondary School aho Nishimwe Naomie yize yari yabwiye IGIHE ko batatunguwe nuko uyu mukobwa yegukanye ikamba rya Miss Rwanda cyane ko ari umukobwa mwiza, uzi ubwenge kandi w’intangarugero mu myitwarire.

Yavuze ko Nishimwe ari umukobwa uzi kuvugira mu ruhame, bikaba imwe mu ndangagaciro zigishwa abanyeshuri babo kugira ngo bazagire icyo bigezaho mu buzima.

Tanga Igitekerezo ukoresheje Facebook

SHARE