Miss Rwanda Mutesi Jolly yavuzeko atakwiyambika ubusa nka Miss Akiwacu Colombe

5

Miss Mutesi Jolly yavuze ko mu marushanwa yose yakwitabira, we, atapfa kwiyambika mu ruhame imyambaro ifatwa na bamwe mu banyarwanda nk’urukozasoni, anavuga ko atapfa kwigana indi mico y’ahandi iyo ari yo yose mu gihe yaba ihabanye n’indangagaciro na kirazira za Kinyarwanda.

Ibi Mutesi Jolly yabitangaje mu kiganiro yagiranye n’itangazamakuru, kuri uyu wa 24 Ugushyingo 2016, mbere ho umunsi umwe ngo yerekeza muri Leta Zunze Ubumwe z’Amerika mu marushanwa ya Miss World 2016.

Miss Rwanda 2014 akiwacu Colombe, Miss Rwanda 2016 Mutesi Jolly
Miss Rwanda 2014 Akiwacu Colombe, Miss Rwanda 2016 Mutesi Jolly

Ku bwa Miss Jolly, we avuga ko kuba Miss Akiwacu Colombe yaremeye kubyambara akabyifotozanya byatewe n’amahitamo ye, kuko yari afite uburenganzira bwo kubyemera cyangwa se kutabyemera.

Ati “Ku bambajije icyo ntekereza ku kuba Colombe yarambaye ‘bikini’ nkeka ko buri muntu afite imyumvire ye kandi tunamwirengagije, reka turebe wenda kuri Mutesi Jolly njyewe n’amarushanwa ngiye kujyamo. Reka dutegereze turebe icyo aduhishiye kuko nkeka ko Colombe we nta kintu kinini nabivugaho kuko we afite uburyo bwe atekerezamo, kandi afite impamvu yahisemo kubikora atyo rero ndamutse mbikoze cyangwa simbikore naba mfite impamvu zanjye.”

Gusa yumvikanisha ko kuri we ibi atabishimye, ndetse ko we atanabikora.

Yagize ati “Mbere y’uko njya mu marushanwa ya Miss World, njye nk’umuntu mfite uburenganzira. Yego haba hariho amategeko n’amabwiriza ya Miss World ariko nanone nanjye mfite uburenganzira ku guhitamo ngashishoza nkareba nti ‘ese ibi ndabyemera? Cyangwa se ibi ntabwo mbyemera?’ Ntabwo bagiye kumfata ngo bankoreshe ibyo bashaka, gusa nanjye nzareba.”

Ati “Ariko ku birenzeho nanjye ngirira icyizere icyubahiro cyanjye kandi nk’uko ngiye singiye nk’umuntu ku giti cyanjye, ahubwo ngiye nanambaye ibendera ry’u Rwanda. Rero mpa agaciro kanini iri bendera kurusha kwirebaho njye ubwanjye. Nshobora kumva ko bikini ari ibisanzwe cyangwa se indi mico ari isanzwe ariko nzarwanirira icyubahiro cy’igihugu; rero umuco wacu ntimugire ikibazo nzagumana igitinyiro cyacu, n’indangagaciro zacu. Ntabwo nzabasuzuguza, sinzabatesha agaciro cyane cyane ko dufite icyubahiro ntabwo twakwemera kugitakaza.”

Hari amarushanwa mpuzamahanga ya Miss u Rwanda rushobora guhagarika

Ishimwe Dieudonne uzwi cyane nka Prince Kid uyobora Rwanda Inspiration Back Up itegura amarushanwa ya Miss Rwanda yabanje kumara impungenge abantu, avuga ko mu marushanwa Jolly agiye kwitabira havanywemo kwambara utu twenda twa ‘bikini’ ku bakobwa bayitabiriye, guhera mu mwaka wa 2014.

Aha yagize ati “Mu marushanwa ya Miss World uhereye mu mwaka wa 2014 yabaye amarushanwa abujijwe kwambarwamo ‘bikini’.”

14063254_123316561449463_629931622_n

Gusa yanongeyeho ko, kuri iki kibazo, hari amwe mu marushanwa u Rwanda rushobora kujya rwanga kwitabira mu gihe yaba ahabanye n’umuco nyarwanda, nubwo hatasobanuwe neza uko ibi byakorwa biramutse bibaye.

Yagize ati “Ikindi gikurikiyeho, twebwe nk’abategura amarushanwa ya Miss Rwanda tukaba n’abajyanama be icyo tubona imbere yacu ni agaciro kurusha amanota. Igihe tuzabona icyo kintu cyadutesha agaciro cyangwa se kidahuye n’amahame yacu twebwe twemera ntabwo tuzagikora.”

Yavuze ko u Rwanda rutakomeza kujya rwemera kwitabira amarushanwa akandamiza umuco nyarwanda.

Ishimwe yasobanuye ko ku bindi bijyanye n’imico yindi itandukanye n’iyo mu Rwanda, avuga ko a ngo u Rwanda rwitabire Miss World hari ibyo rwasabwe kuzuza, ariko nanone ko narwo rwabanje kugenzura amahame aranga iri rushanwa, harebwa niba ntacyo ahabanyeho n’umuco nyarwanda.

14032802_1636521953327339_1293515775_n

Yagize ati “Kuba u Rwanda rugiye muri aya marushanwa si impuhwe batugiriye, tugiyeyo tugiye kugira icyo tubongereraho. Tugiyeyo tugiye kurushanwa. Hari ibyo twemeranywa nabo ariko nabo hari ibyo batwemerera ni nayo mpamvu dusinyana amasezerano yo guhabwa uruhushya rwo kujya tuyitabira, ntabwo baje ngo batugirire impuhwe ngo muhawe amahirwe muze mujye muri Miss Wordl, oya. Hari ibyo badusabye ariko natwe hari ibyo twabasabye tuza kugarukiramo hagati twemeranya imikoranire. Ibyo rero niyo mpamvu nababwiraga ngo ntimugire impungenge.”

Miss Rwanda wa 2016, Mutesi Jolly azahaguruka mu Rwanda kuri uyu wa Gatanu.

REBA AMAFOTO YA MISS Akiwacu Colombe yambaye Bikini, aya mafoto abantu benshi ntibayavugaho kimwe kuko hari abavugako uyu mukobwa yakoze ibihabanye n’umuco nyarwanda.

8-419 7-473 6-549 5-647 4-802

11,598 total views, 22 views today

5 URABIVUGAHO IKI?

  1. JYEWE URIYA MUKOBWA NTACYAHA MUBONAHO YAGENDEYE KUMATEGEKO AGENGA IRUSHANWA AMAKOSA YAKOZWE NABAMWOHEREJE KANDI BAMUTUMA INTSINZI BANAZI NAMATEGEKO ABIGENGA

  2. Colombe we, rwose nta kidasanzwe wakoze ,kwambara Bikini uri kuri piscine cg kuri beach ni ibisanzwe rwose, ahubwo igitangaza ni uko yaza nko mu kiliziya ayambaye!!! En plus y’ibyo turabona anaberewe rwose, nta n’ubusembwa afite bw’umukorogo, peau yiwe ni nziza rwose.
    Jye reka ngire inama Jolly areke kwangiza uruhu rwe, kuko hari igihe azifuza gusubirana peau ye y’umwimerere ,asange bitakimukundiye. Asigaye yarakwedutse mu maso nka Michael Jackson, !!!
    Ubu c, nageza 25 ans, azaba asa gute koko????? C’est vaiment dommage!!!!Ehhhhhhhhhh!MUKOROGO .COM!!!!!!!!!!!!!!!!!!!!!!!!!!!!!!!!!!!!!!

  3. Maze abenshi mugasakuza ngo umuntu yishe umuco! Ese abakobwa twirirwa tubona ku mihanda bambaye amajipo areshya n’imikandara bo mubavugaho iki? None ngo Colombe yishe umuco! Mujye mutubyiniro murebe abatambaye na sous-vetements mubanze mubigishe mbere yo kuvuga kuri Colombe. Mwari muri kugirango ajye mu marushanwa nk’ariya yambaye imikenyero?

ANDIKA ICYO UTEKEREZA KURI IYI NKURU