Miss Uwase Muyango yabwiye Kimenyi Yves ko ariwe mugabo w’agaciro yahuye nawe kuva isi yaremwa, ngo niwe mwunganizi mwiza yabonye mubo yahuye nabo

Uwase Muyango Claudine, wegukanye ikamba ry’umukobwa uzi kwifotoza akaberwa mu irushanwa rya Nyampinga w’u Rwanda mu mwaka wa 2019, ku munsi umukunzi we Kimenyi Yves yizihizaho isabukuru y’amavuko, yamushimiye byinshi yagiye amufasha umwizeza kuzamukunda ubuziraherezo.

Buri tariki ya 13 Ukwakira, umunyezamu w’ikipe y’igihugu Amavubi na Kiyovu Sports, Kimenyi Yves yizihiza isabukuru y’amavuko, kuri iyi nshuro umukunzi we akaba yamwifurije isabukuru nziza mu magambo y’urukundo kandi yuje amarangamutima.

Hashize iminsi havugwa ubukwe bwa Miss Muyango Claudine n’uwahoze ari umunyezamu w’ikipe ya Rayon Sports, Kimenyi Yves

Mu butumwa yanyujije kuri Instagram yagize ati“isabukuru nziza ku mugabo w’agaciro nahuye na we mu buzima bwanjye, inshuti magara, umwunganizi, umuntu wanjye w’umwihariko, urutugu nigiraho nkanaririraha, umwana w’agatangaza wavutse uyu munsi.”

“Warakoze gutuma ngaragaza icyiza kiri muri njye, warakoze gutuma numva ndi umuntu mwiza, amajoro wamaze udasinzira kubera ibihe bibi nari ndimo, ndwaye, ubwo ntashoboraga gusinzira wabaga uri kumwe nanjye, uri umwunganizi mpora Nsenga ngo ntazatakaza mu buzima bwanje.”

Yakomeje avuga ko umunsi yinjiye mu buzima bwe bwahise buhinduka, amushimira kuba yaratumye aba umugore wishimye ku Isi, ngo ni impano Imana yamwoherereje.

Muyango kandi avuga ko asengera ko ibyo bifuje byose bari kumwe byazaba impamo.

Ati“ndasenga ngo ibyo twifuje byose turi kumwe bizabe impamo. Nifuza indi myaka myinshi ndi iruhande rwawe. Mukunzi kuri uyu munsi w’agatangaza wizihiza isabukuru yawe, wumve ko umutima wanjye uri aho ubarizwa, rimwe na rimwe njya nibaza icyo nakoze kugira ngo mpabwe umugisha w’urukundo rw’umugabo nka we. Warakoze kunyuzuza no kumenya kwishima nyabyo icyo ari cyo. Mukundwa mbuze icyo mvuga. Isabukuru nziza!”

Muri Kanama 2019 ni bwo aba bombi beruye ko bakundana, gusa aya makuru yagiye hanze hashize amezi 2 bari mu rukundo. Bakaba bamaze umwaka urenga bakundana, ni bamwe mu bantu badatinya kugaragariza ababakurikira uko baryohewe n’umunyenga w’urukundo rwabo.

Tanga Igitekerezo ukoresheje Facebook

SHARE