Search

Mohamed Salah ni umwe mu bakinnyi 6 bazavamo uwahize abandi muri shampiyona y’Ubwongereza(Urutonde)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ishyirahamwe ry’abakinnyi babigize umwuga(PFA) mu Bwongereza hamwe n’ihuriro ry’abakinnyi babigize umwuga muri iki gihugu ryashyize hanze kuri uyu wa Gatandatu urutonde rw’abakinnyi batandatu (6) bagomba guhatanira igihembo cy’umukinnyi w’umwaka muri shampiyona yabo ’Player of the Year’.

Ikipe ya Manchester City iri gukabakaba ku gikombe niyo ifitemo abakinnyi baranze umwe aho yihariye batatu bose barimo umubiligi Kevin De Bruyne, Umudage Leroy Sané hamwe n’umwesipanyolo David Silva.

David Silva ni umwe mu bakinnyi bagaragaye kuri uru rutonde 

Mu bandi bagaragara kuri uru rutonde harimo umunyamisiri ukinira Liverpool, Mohamed Salah ukomeje kwandika amateka dore ko ubu yamaze kuba umunyafurika wa mbere utsinze ibitego birenga 30 muri iyi shampiyona ikunzwe kurusha izindi ku isi.

Harry Kane ni we Mwongereza rukumbi ugaragara kuri uru rutonde

Harimo kandi umwongereza bahataniye igihembo cy’umukinnyi watsinze ibitego byinshi, Harry Kane wa Tottenham ari nawe mwongereza rukumbi ugaragaramo. Birumvikana ko umuzamu wa Manchester United, umunyesipanyolo David De Gea nawe yagaragaye kuri uru rutonde rutagaragayeho abakinnyi batatu baheruka kwegukana iki gikombe aribo: Riyad Mahrez, Eden Hazard na N’Golo Kanté.

Mohamed Salah ukomoka muri Misiri akomeje kwandika amateka muri ruhago y’Abongereza.nawe ari kuri uru rutonde

PFA yanatangaje kandi urutonde rw’abakinnyi bakiri bato bazavamo umukinnyi w’umwaka ari bo: Harry Kane (Tottenham), Ederson (Manchester City), Marcus Rashford (Manchester United), Leroy Sane (Manchester City), Ryan Sessegnon (Fulham, umukinnyi wakoze amateka yo gutoranywa aturutse mu cyiciro cya kabiri) na Raheem Sterling (Manchester City).

Umukinnyi w’umwaka atorwa binyuze mu majwi y’abanyamuryango ba PFA bagizwe n’amakipe 92 y’icyiciro cya mbere (Premier League) n’iindi byiciro byo hasi.

Ryan Sessegnon w’imyaka 17 ahanganiye igihembo cy’umukinnyi muto n’abakinnyi bo mu cyiciro cya mbere barimo kapiteni w’ikipe y’Ubwongereza Harry Kane uzuzuza imyaka 25 muri Nyakanga uyu mwaka

Iki gihembo cyagiye cyegukanwa n’abakinnyi baomeye barimo nka Eric Cantona (Man United) mu 1993-94, Thierry Henry(Arsenal) 2002-03 na 2003-04, Wayne Rooney(Man United) 2009-10, Cristiano Ronaldo(Man United) 2006-07 na 2007 -08 n’abandi barimo Alan Shearer, David Ginola, Ryan Giggs, Gareth Bale, Luis Suarez, Robin van Persie, Ruud van Nistelrooy n’abandi.

 

Richard [email protected]

 

Comments

comments




Leave a Reply

Your email address will not be published. Required fields are marked *