“Motema” Indirimbo nshya Gedeon M yinjiranye muri 2020. Yirebe hano

Gedeon Musoni wamamaye mu muziki nka Gedeon M yasohoye indirimbo nshya yise “Motema” indirimbo yatangiranye muri uyu mwaka wa 2020.

“Motema” n’ijambo ry’ilingala risobanuye “Mukunzi” mu kinyarwanda , n’indirimbo y’urukundo yakozwe mu buryo bw’amajwi na Producer Yang P ifite amashusho meza ari no kurebwa cyane ku rubuga rwa Youtube yatunganyirijwe muri Leta Zunze Ubumwe za Amerika aho uyu muhanzi atuye.

Gedeon M ukunda kuvanga indimi mu ndirimbo ze yitsa ku Ilingala, Igiswahili n’icyongereza avuga ko uyu muvuno wamwaguriye amayira ku buryo indirimbo ze zumvwa n’ingeli zitandukanye

“Kuba mvaga indimi mu ndirimbo zanjye mba ngira ngo n’abatumva ikinyarwanda bumve ibyo ndirimbo, byabyaye umusaruro kuko ngenda mbona ubutumwa hirya no hino bwishimira ibyo nkora “

Gedeon M umuhanzi Nyarwanda utuye USA ukomeje gushimangira ubuhanga mu njyana ya Afrobeat

Gedeon M akomeza avuga ko 2020 afite ibikorwa byinshi azakora ku buryo muzika ye izagera ku rwego rushimishije

“Uyu mwaka wa 2020 mfite ibikorwa byinshi nzashyira hanze, uyu n’umwaka w’intsinzi kuri muzika yanjye, abakunze indirimbo zanjye mu myaka itambutse nababwira ko 2020 tuzasarura”

Gedeon M aganira na Ibyamamare.com yasoje asaba abakunzi ba Muzika Nyarwanda kumushyigikira ndetse no gusaba ibihangano bye mu bitangazamakuru bitandukanye kugira ngo barusheho kumutera ingabo mu bitugu.

Reba hano videwo ya Motema by Gedeon M

 

Tanga Igitekerezo ukoresheje Facebook

SHARE