Mozambique: Boi Wax “Abahanzi Nyarwanda tube ba ambasaderi beza b’igihugu cyacu mu bihugu dutuyemo”

Umuhanzi Nyarwanda witwa Boi Wax ukorera muzika mu Gihugu cya Mozambique asanga we na bagenzi be bakwiriye gushyira imbaraga mu bikorwa byo kwagura no kurushaho kuzamura ibendera rya muzika Nyarwanda mu bihugu batuyemo.

Boi Wax n’umuhanzi utuye mu mujyi wa Maputo mu gihugu cya Mozambique yatangiye umuziki mu mwaka wa 2017 afite indirimbo zitandukanye,yakoranye cyane na Producer Barrick ubwo yabaga muri Mozambique akaba agenda yitabira ibitaramo bitandukanye muri kiriya gihugu harimo n’igikomeye yitabiriye ubwo abahanzi barimo Knowless,Massamba,King James n’abandi bajyaga gutaramira Abanyarwanda batuye muri Mozambique.

Mu kurushaho kwagura ibikorwa bye binyuze mu buhanzi,Boi Wax yashyize hanze amashusho y’indirimbo “Sorry” indirimbo yakoranye na Elisher Cyril umunyarwanda nawe utuye muri Mozambique,n’indirimbo nziza uyu musore avuga ko izazamura urwego rwe ku buryo bugaragara

Mu kiganiro na IBYAMAMARE.COM uyu muhanzi yatubwiye inkomoko yo kuririmba iyi ndirimbo

“N’indirimbo twakoze ngendeye ku buzima bw’urukundo abantu bari kubamo muri iyi minsi,iyi ndirimbo ngaruka kubantu bababaza abakunzi babo bitwaje ngo bazabasaba
imbabazi birangire. iyo umuntu akubabaje mu rukundo hari igihe za Sorry zitagira akamaro”
Boi Wax

Mu kuzamura izina rye muri muzika binyuze kuri iyi ndirimbo yagize ati :”n’indirimbo nifuza ko yashyira tafari kuri muzika yanjye,yakozwe na Producer mwiza ndetse n’amashusho yayo ni meza,izamfasha cyane”

Nk’umuhanzi ukorera muzika hanze y’Urwanda haricyo yasabye abahanzi bagenzi be bakorera muzika mu bihugu bitandukanye

“Abahanzi Nyarwanda tube ba ambasaderi beza b’igihugu cyacu mu bihugu dutuyemo,dushyire hamwe duharanire kuzamura ibendera ry’igihugu cyacu mu muziki kandi bizakunda”

Mu mbogamizi nk’abahanzi bakorera muzika hanze y’Urwanda uyu muhanzi avuga ko kumenyekanisha ibihangano byabo bibagora cyane haba mu Rwanda ndetse no hanze ariko bakaba bashima Imana ko nko muri Mozambique ibitangazamakuru byaho bisigaye bibaha umwanya n’ubwo bitaragera ku rwego rwo hejuru

Boi Wax akomeza asaba Itangazamakuru ryo mu Rwanda kubafasha kumenyekanisha ibihangano byabo mu Rwanda ndetse n’abakunzi ba Muzika Nyarwanda bakabatiza imbaraga ku buryo bushoboka kugira ngo n’abahanzi Nyarwanda bakorera hanze barusheho kuzamura icyubahiro cy’Urwanda mu bihugu batuyemo.

Sorry by Boi Wax ft Elisher Cyril

Tanga Igitekerezo ukoresheje Facebook

SHARE