Mozambique: Ubutumwa bw’Umuraperi Boi Wax mu bihe byo guhangana na Covid-19

Mu kiganiro na IBYAMAMARE, Boi Wax yabwiye buri munyarwanda kubahiriza gahunda yo kuguma murugo, gukaraba intoki neza kenshi gashoboka n’amazi meza n’isabune no kubahiriza gahunda zose za Leta.

Uyu muhanzi Nyarwanda utuye muri Mozambique avuga ko nabo muri icyo Gihugu Leta yafashe ingamba zikomeye mu guhangana na Coronavirus aho bategetswe kuguma mu rugo mu rwego rwo guhangana n’icyi cyorezo cyugarije isi yose muri rusange.

“Ku cyorezo cya covid 19 isi yose ibintu byarahagaze , Hano Mozambique naho gahunda ni stay home nk’ibisanzwe uretseko Imana ikiturinze bitarakomera nkahandi gusa naho ibintu byahinduye isura ku buryo bukomeye”

Uyu muhanzi akomeza avuga ko nk’Abanyarwanda batuye muri Mozambique , Ambassade y’Urwanda ikurikirana ubuzima bwabo ikagira n’ubutumwa ibahereza ku kwirinda icyi cyorezo.

” Ubutumwa turabuhabwa cyane cyane bwibanda uko twakwirinda icyi cyorezo ndetse n’ubundi bufasha butandukanye buratangwa.Ambasade yacu ibikurikiranira hafi. ”

Boi Wax asaba Abanyarwanda batuye muri Mozambique nabo mu Rwanda n’isi muri rusange kwirinda ingendo zitari ngombwa kuko zabakururira kwandura Covid-19

“Mugume mu rugo, mukarabe intoki, amagara araseseka ntayorwa.aho muri hose mwibuke ko icyi cyorezo ari kibi cyica kandi kitarobanura ubwenegihugu.aho turi twirinde.”

Uyu muraperi yacyebuye abanyarwanda bakomeje gukerensa inama n’ingamba bari kugirwa na Guverinoma y’u Rwanda ku buryo hari abumva ko areba bamwe abandi bakaba bayakomoreweho.

Ati “ Nyabuneka nyabuneka guma mu rugo, nubwo amabwiriza tuyahabwa ariko birababaje kubona hari abayarengaho wasohoka mu rugo ugiye kugura icyo kurya ukabona abantu baragenda, nta kintu kidasanzwe na kimwe cyabuza Ubuntu kubahiriza ariya mabwiriza,kiriya cyorezo gifata buri wese bityo ko no kukirinda bireba buri muntu”

Boi Wax afite indirimbo yitwa ‘Sorry’ aheruka gushyira hanze ari no mu bakoze iyitwa ‘Rap de Luxo’ yahuriwemo n’abahanzi b’Abanyarwanda bakorera Muzika muri Mozambique iri no mu zikunzwe muri icyo gihugu.

Sorry by Boi Wax ft Elisher Cyril

 

Tanga Igitekerezo ukoresheje Facebook

SHARE