Search

Mpayimana wiyamamarije kuyobora u Rwanda yanyomoje abavugaga ko yasohoye indirimbo, anasobanura aho byaturutse

IBM Radio Listen Live

KANDA HANO UREBE VIDEO

Mu gitondo cyo kuri uyu wa Kabiri tariki ya 5 Ukuboza 2017 nibwo hatangiye gucicikana amakuru yavugaga ko Mpayimana Philippe wiyamamarije kuba Prezida w’u Rwanda, yashyize hanze indirimbo yo kwifuriza abari bamushyigikiye Noheli Nziza n’umwaka mushya muhire. Uyu mugabo yanyomoje aya makuru avuga ko abanyamakuru babifashe uko bitari.

Mpayimpa wagize 0.73 mu matora y’umukuru w’igihugu aheruka muri Kanama, yatangarije Ibyamamare.com ko nta ndirimbo yigeze ashyira hanze, avuga ko ari abanyamakuru babifashe nabi.

Yagize ati ”Njye nta ndirimbo nashyize hanze abanyamakuru babifashe nabi, ni umuhanzi w’inshuti yanjye wakoze indirimbo yo kwifuriza abantu umwaka mushya muhire nanjye numva ubutumwa burimo nabusangiza abantu bityo ndayiboherereza ariko sibyo nta ndirimbo nashyize hanze.”

Uyu munyapolitiki yavuze ko iyi ndirimbo yitwa ‘Bonne Anne’ari iy’umuhanzi w’inshuti ye witwa Philosophe, we icyo yakoze n’ukuyisangiza abantu cyane ko ubutumwa burimo yifuzaga ko bwagera ku Banyarwanda benshi.

Ubusanzwe Mpayimana  ni umwarimu, umusizi akaba umwanditsi w’ibitabo ndetse akaba n’umunyamakuru.

Yavuye mu gihugu cy’Ubufaransa aho yari asanzwe atuye muri uyu mwaka aza kwiyamamariza umwanya wa Perezida wa Repubulika, mu matora yabaye muri Kanama 2017.

 

 

Ivan Heritier

Comments

comments




Leave a Reply

Your email address will not be published. Required fields are marked *