Search

Mr Gloire yashimiye Abakunzi b’umuziki we bamugaragarije ko barikumwe nawe mu gitaramo The Mane

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu ijoro ryo kuri uyu wa Gatanu Tariki ya 23 Werurwe 2018, nibwo igitaramo The Mane cyabaye ku munsi wacyo wambere mu Ntara y’Amajyaruguru mu Karere ka Musanze, kikaba ari igitaramo cyabaye mu Rwego rwo kumurika ku mugaragaro iyi nzu.

Ni igitaramo cyagaragayemo abahanzi bakomeye bahano mu Rwanda ndetse na Harmonize wari watumiwe nk’umuhanzi uturutse mu kindi gihugu ariko hagati aho nk’uko igitaramo cyabereye muri Musanze birumvikana ko n’abanyamuziki bakorera umuziki wabo muri aka Karere batari gutangwa ku Rubyiniro.

Iki gitaramo cyitabiriwe n’abahanzi barimo;King James, Riderman, Queen Cha, Ama G The Black, Safi Madiba, Marina ndetse na Harmonize wari watumiwe muri iki gitaramo nk’umunyamahanga waje kunganira aba bahanzi. Bafatanyije bakoze amateka akomeye imbere y’Abafana b’umuziki mu Karere ka Musanze.

Bamwe mu bahanzi b’Imusanze bitabiriye iki gitaramo ndetse bakanakiririmbamo twabashije kuvugana ni umusore ukiri muto wamamaye ku izina rya Mr Gloire wagaragaje ko yishimiye abakunzi bamuzika batuye mu Ntara y’Amajyaruguru kuko bagaragaje uko bashigikiye iterambere ry’umuziki Nyarwanda.

Mu Kiganiro Mr Gloire yagiranye n’Ibyamamare.com, Yavuze ko yishimiye cyane uburyo abakunzi b’umuziki we batuye Intara y’Amajyaruguru bamugaragarije urukundo bakunda indirimbo ze ubwo yabaririmbiraga mu gitaramo The Mane.

Yagize ati:”Nukuri pee!!Ibi biranejeje cyane kandi binyongereye imbaraga zo gukora cyane mu muziki wanjye nyuma y’uko ndirimbanye n’abafana banjye bakangaragariza ko turi kumwe, by’umwihariko mbikuye ku mutima ndabashimiye  kandi nizeye ko ntazabatenguha mu kubagezaho indirimbo nziza”.

Mr Gloire ni umusore watangiye kumenyekana mu ruhando rwa muzika ahagana mu mwaka wa 2010, mu mwaka wa 2012 amurika ku mugaragaro album ye ya mbere yise’Mfite inzozi’ yari igizwe n’Indirimbo 14.

Ni umuhanzi wakomeje kuzamuka mu muziki we agerageza kwitwara neza kugeza ubwo byamuhesheje kwegukana igihembo cya REMO ( REMO Award best teen), ndetse iki gihembo ki kaba ari kimwe mu bintu byamwongerereye imbaraga zo gukomeza gukora cyane mu muziki we.

Mr Gloire ni umuhanzi wamenyekanye mu ndirimbo zitandukanye harimo: Uko biri akaba ari nayo yatangiriyeho,Baravuga,Umubyeyi gito yakoranye na Jay Polly, mfite inzozi, kare, sorry, ubu indirimbo nshya afite kugeza ubu niyo yise Senior Six( S6).

Indirimbo ‘KARE’ ya Mr Gloire- Yirebe

KWIZERA Juvenal-Ibyamamare.com

 

Comments

comments




Leave a Reply

Your email address will not be published. Required fields are marked *