Mu birori byitabiriwe n’inshuti n’abavandimwe, The Ben yizihije isabukuru y’imyaka 29 amaze avutse(Reba Amafoto)

IBM Radio Listen Live

KANDA HANO UREBE VIDEO

Mu birori byabereye mu murenge wa Niboye mu kagari ka Nyakabanda ya II, mu mujyi wa Kigali, murugo rw’ababyeyi ba The Ben, ibi birori byari byitabiriwe n’abakunzi b’uyu muhanzi, inshuti ze ndetse n’abandi bantu batandukanye bakurikiranira hafi ibijyanye n’imyidagaduro mu Rwanda.

the-ben-10

The Ben akata umutsima yari yateguriwe

Muri ibi birori The Ben yashimiye abakunzi be bamuhora hafi ndetse anahamyako aribo bamugize uwo ariwe kugeza uyu munsi, Ben yakase umutsima w’isabukuru ariwenyine maze aboneraho gutangaza ko nta mukobwa afite bari murukundo kuri ubu ngo ari “Single”

Uyu muhango wari uyobowe n’umuhanzi Tom Close wari umuhuza w’amagambo aho yasabye abanyamakuru bari muri ibi birori kutagira amafoto y’umuryango wa The Ben bakoresha ahubwo bagakoresha amafoto y’abantu bazwi mu myidagaduro gusa.

Mu byamamare byitabiriye ibi birori harimo nk’umunyamakuru Mike Karangwa,Umunyarwenya Nkusi Arthur, David Bayingana, Ange Tricia umugore wa Tom Close, Uncle Austin, Lil G, Ss Robert nabandi..!

the-ben-5

Umutsima wari wateguriwe umuhanzi The Ben

Inshamake  y’amateka ya The Ben

Mugisha Benjamin, uzwi ku izina rya The Ben yavutse ku itariki ya 9 Mutarama 1988. Yavukiye i Kampala muri Uganda. Ni mwene Jean  Mbonimpa na Esther Mbabazi. The Ben ni umuhanzi nyarwanda uririmba injyana ya RnB/Pop.

Ni uwa kabiri mu muryango w’abana 6 barimo nka Danny (nawe w’umuhanzi n’ubwo atigeze amenyekana mu Rwanda), Green P (nawe uzwi mu buhanzi nyarwanda) nk’umuririmbyi w’injyana ya Hip hop.

The Ben yatangiye ate ubuhanzi?

Iby’ubuhanzi The Ben yabihereye mu muryango aho yakurize ukundishwa n’ababyeyi be gusenga cyane. Byatumye ajya muri Korali aho yari ari kumwe n’abandi bahanzi bamenyekanye nka Meddy, Lick Lick na Nicolas.

Indirimbo yamenyekaniyeho cyane ni Amaso ku Maso. Iyi ndirimbo yayisohoye mu mwaka wa 2008, nyuma y’izindi nyinshi zimenyekanye cyane yari yararirimbiyemo Tom Close nka ‘Si beza’ na ‘Mbwira’.

Nyuma yaje gukora indirimbo nka Uzaba Uza (yaririmbanye na Roger), Wirira, Imfubyi, Wigenda, Uri he, Sinzibagirwa, Amaso ku Maso, Amahirwe ya Nyuma, Zoubeda n’izindi zari kuri Album ye ya mbere yise ‘Amahirwe ya Mbere’ yashize hanze mu Kwakira 2009.

Nyuma yaho yaje no gushyira hanze indirimbo nka Ese Nibyo n’izindi nyuma aza kwerekeza muri Amerika aho yaje gukomereza ubuhanzi bwe akorerayo indirimbo nka Give it to me, Nzakubona, I can se, Ntacyadutanya, I am in Love, Konahindutse, Habibi ikunzwe cyane muri iyi minsi ndetse na Roho yanjye arinayo ndirimbo aheruka gushyira hanze.

Kuri ubu The Ben ari mu Rwanda aho yari yaje aje kwitabira igitaramo cyiswe “East African Party” cyabaye taliki ya 1 Mutarama 2017, uyu muhanzi biteganyijweko azahaguruka mu Rwanda agasubira muri leta zunze ubumwe mu mpera z’ukwezi kwa Mutarama 2017.

Amafoto y’uko ibirori by’isabukuru ya The Ben byari byifashe.

the-ben-1

The Ben ibyishimo byamurenze ahobera Mama we

the-ben-2 the-ben-3 the-ben-4the-ben-6 the-ben-7 the-ben-8 the-ben-9
the-ben-11

Foto : Umuseke

NIYOMUKIZA Hassan

82,422 total views, 1 views today

Comments

comments




2 thoughts on “Mu birori byitabiriwe n’inshuti n’abavandimwe, The Ben yizihije isabukuru y’imyaka 29 amaze avutse(Reba Amafoto)

  1. Umusaza

    BYIZA CYANEEEEE. UYU MUSORE THE BEN, NI UMWANA MWIZA. YARAREZWE KABISA. KOMEZA UHESHE ISHEMA ABABYEYI BAWE N’IGIHUGU CYAWE. IMANA IKUGENDE IMBERE IGUHE IMIGISHA Y’IMPANDE ZOSE. KOMEZA KUGIRA IBIHE BYIZA IWANYU MU RWANDA. NICE DAY.

    Reply

Leave a Reply

Your email address will not be published. Required fields are marked *