Search

Mu gihe habura amasaha make ngo Miss Rwanda2018 itangire, abarenga 200 nibo bamaze kwiyandikisha

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri uyu wa Gatandatu tariki ya 13 Mutarama 2018 nibwo hatangizwa ku mugaro amajonjora yo gutoranya abakobwa bazahagarara intara zitandukanye mu marushanwa ya Nyampinga w’u Rwanda 2018. Kugeza ubu abashinzwe gutegura iki gikorwa baratangaza ko abakobwa barenga 200 aribo bamaze kwiyandikisha muri rusange, mu gihe kwiyandikisha bizagusozwa saa sita z’ijoro ryo kuri uyu wa gatanu.

Abayobozi n’abaterankunga b’irushanwa rya Miss Rwanda ubwo baganiraga n’abanyamakuru basobanura byinshi kuri irirushanwa rya 2018.

Nk’uko bitangazwa n’ubuyobozi bwa Rwanda Inspiration Back Up ari nabo bategura irushanwa rya Miss Rwanda, bubinyujije ku rukuta rwabo rwa Twitter, buvuga ko abakobwa barenga 200 aribo bamaze kwiyandikisha muri iri rushanwa rigiye kuba ku nshuro yaryo ya kane.

Mu kiganiro kigufi Ishimwe Dieudonne uzwi nka ‘Prince Kid’ yagiranye n’Ibyamamare.com, yadutangarije ko muri uyu mubare w’abakobwa bamaze kwiyandikisha 45 muri bo biyandikishije mu mujyi wa Kigali bavuye ku 8 biyandikishaga ubwo iri rushanwa ryari rigitangira. Ibi ngo bigaragaza uko iki gikorwa abantu bagenda barushaho kugisobanukirwa uko kigenda kiba.

Yagize ati “igikorwa cya Miss Rwanda abantu benshi bagenda barushaho kugisobanukirwa. Kuko ubu ntabwo abantu bareba uwabaye Miss Rwanda gusa ahubwo bareba umuntu wese wacyitabiriye.”

Ku ikubitiro mu gutangiza urugendo rw’irushanwa rya Miss Rwanda 2018, amajonjoro azahera mu ntara y’amajyaruguru mu mujyi wa Musanze kuri uyu wa Gatandatu kuya 13 Mutarama 2018.

Nyuma yaho amajonjora azakomereza mu ntara y’Uburengerazuba kizabe kuya 14 Mutarama 2018 bibere mu mujyi wa Rubavu naho ku ya 20 Mutarama 2018 amajonjora azabere mu  Ntara y’Amajyepfo mu mujyi wa Huye.

Kuya 21 Mutarama 2018 amajonjora azabera mu ntara y’Uburasirazuba mu mujyi wa Kayonza naho mu Mujyi wa Kigali akazaba kuya 27 Mutarama 2018.

Muri aya majonjora azazenguruka intara zose azatoranywamo abakobwa 30 maze ku itariki ya 10 Gashyantare 2018 bazatoranywemo abakobwa 20 bazajyanwa  mu mwiherero, aba 20 ni nabo bazavamo uzegukana ikamba rya Nyampinga w’u Rwanda 2018 agasimbura Iradukunda Elsa mu birori bizabera mu mujyi wa Kigali kuya 24 Gashyantare 2018.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.