Search

Mu gihe twibuka urupfu rw’umuhanzi Bob Marley umaze imyaka 37 atabarutse,Dore zimwe mu interuro (quotes) z’uyu muhanzi n’amatariki akomeye y’ubuzima bwe

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri uyu wa 11 Gicurasi 2018, Isi by’umwihariko abarasta baribuka imyaka 37 ishize ikirangirire Bob Marley atabarutse. Uyu munya-jamaïca wabaye igihangange mu njyana ya Reggea arakibukwa mu bice byose by’isi nk’uwapfuye ejo.

Bob Marley aracyari umwe mu bahanzi bakunzwe cyane ku isi ya rurema. Ibihangano bye n’ibikorwa byamuranze biracyafite agaciro gakomeye. Indirimbo ze zamamaye cyane nka “No Woman No Cry”, “Get Up Stand Up”, ‘’Everything’s Gonna Be Alright” n’izindi ziracyari ku rutonde rw’indirimbo z’imbere z’ibihe byose zicurangwa hirya no hino.

Hamwe na miliyoni zirenga 200 z’ama-disques yacuruje, Bob Marley aracyari mu mitima ya benshi. Ubuhirimbanyi bwe ku bwisanzure, ubwigenge, amahoro, demukarasi, urukundo, agaciro yahaye umugabane wa Afurika ndetse n’imyemerere ye ya rastafarisme byagize uruhare rukomeye mu gukundwa kwe cyane.

Amatariki y’ingenzi mu buzima bwa Bob marley

1962, yakoze indirimbo ye ya mbere ‘’Judge not’’

10 Gashyantare 1966, yashinze urugo na Rita Anderson

21 Mata 1966, uruzinduko rw’umwami w’abami wa Étiyopiya, Haïlé Sélassié muri Jamaïca

1975, gukundwa bikomeye ku ruhando mpuzamahanga abifashijwemo n’indirimbo ‘’No woman no cry’’

30 Mata 1976, yasohoye ‘’Rastaman vibration’’, disque yacurujwe cyane ndetse ikanakundwa cyane muri Amerika

Mutarama 1977, yahungiye i Londres mu Bwongereza

22 Mata 1978, Bob Marley n’itsinda rye basubiye muri Jamaica mu gitaramo ‘’One love peace concert’’ ndetse aho ku rubyiniro yunga(ahuriza hamwe) Seaga na Manley batavugaga rumwe muri politike.

Ugushyingo 1978, Bob Marley yasuye Etiyopiya

Mutarama 1980, Bob Marley yakabije inzozi zo gucurangiramuri Afurika, muri Gabon i Libreville mu gitaramo kigenga.

Mu mwaka wa 1980, Bob yituye hasi arimo gukora siporo yo kwiruka muri Central Park, kanseri ye yari yakwiriye ahantu hanini ariko ahitami kutabibwira umuryango we.

11 Gicurasi 1981, Bob Marley yapfiriye i Miami azize kanseri.

Zimwe mu nteruro(quotes) za Bob Marley ku rukundo, amahoro, ibyishimo n’ubuzima.

1. Ati “Hashya amadayimoni/ikibi ukoreshe ikintu kitwa urukundo”.

2. Ati “Bahaho ku bwawe uzabaho mu bubabare; bahaho ku bwa bandi, uzabaho bundi bushya”

3. Mfite intego imwe, murabyumva. Mfite ikintu kimwe gusa nishimira cyane ko cyaba. Nishimira kubona abantu baba hamwe – umwirabura, umuzungu, umushinwa, buri wese – ibyo gusa.

4. Shyira icyerekezo cyawe mu kuri/mu mpamo(reality)

5. Umuhanda w’ubuzima wuzuyemo amabuye kandi nawe ushobora gutsitara, rero igihe urimo kumvuga, hari undi urimo kugucira urubanza

6. Rastafari ntabwo ari umuco ni impamo

7. Baravuga ngo: abashoboye ni bo bazabaho, baho — amwe mu magambo y’indirimbo Could You Be Loved.

8. Ati “Niba atangaje, ntabwo azoroha.Niba yoroshye, ntazaba utangaje. Niba abikwiriye, ntabwo uzamureka. Numureka, ntuzaba umukwiriye. … Ukuri ni uko buri wese azakubabaza; ibyiza ni uko ushaka ukwiriye kukubabaza”.

9. Ati “Inshuti nyazo ni nk’inyenyeri; ubusha kubabona iyo hijimye iruhande rwawe”

10. Ntabwo ari umuziranenge. Nawe nturiwe kandi mwembi ntimuzigera muba abazirange. Ariko ashobora kugusetsa byibura rimwe, agatuma utekereza kabiri, kandi niyemera ko ari umuntu ukora amakosa, mukomeze hanyuma umuhe ibyo ushoboye byose.

11. Ubugwari bukomeye bw’umugabo ni ukubyutsa urukundo rw’umugore nta mugambi ufite wo kumukunda.

12. Ntukagire uwo ucira urubanza mbere y’uko urwicira. Ntukagire uwo ucira urubanza niba wowe utiteguye kurucibwa. (…) Nziko ntari umuziranenge kandi ntabwo byifuza, rero mbere yo kuntunga intoki banza umenye neza ko ibiganza byawe bisukuye.

13. Ntawumenya urugero rw’imbaraga afite, kugeza ubwo gukomera ariyo mahitamo yonyine ahari

14. Amafaranga ni imibare kandi imibare ntishira. Niba bisaba amafaranga ngo umuntu anezerwe, gushaka umunezero kwawe ntikuzagira iherezo.

15. Igice cyiza kurusha ibindi ku mubiri w’umugore n’inseko ye.

16. Ubuhangage bw’umugabo ntiburi mu mafaranga menshi atunze, ahubwo mu bunyangamugayo bwe n’ubushobozi bwo guhindura abamukikije mu buryo bwiza(positively)

17. Urukundo, ubucuti, ibitwenge… bimwe mu byiza kurusha ibindi mu buzima ni ubuntu(free)

18. Ubuzima ni umuhanda umwe munini ufite ibimenyetso(ibyapa) byinshi. Rero igihe urimo uwugendamo ntukagore ubwenge bwawe. Hunga urwango, ubugome n’ishyari. Ntugahishe ibitekerezo byawe, shyira icyerekezo cya we mu kuri. Kanguka ubeho!

19. Umuyaga utwara rimwe na rimwe ibyo dukunda, ni nawo uzana ibyo twiga gukunda. Rero ntabwo dukwiriye kurizwa n’ibyo twabuze, ahubwo, yego, dukunde ibyo twahawe. Kuko mu by’ukuri ibyacu ntibigenda burundu.

20. Kunda ubuzima ubayeho. Baho ubuzima ukunda.

21. Twikuremo ubucakara bwo mu bitekerezo, nta wundi utari twe ushobora kubohora intekerezo zacu

22. Kunda cyane mu gihe hari urukundo. Kuko nta musore w’umuziranenge ubaho, ariko hazabaho buri gihe umusore umwe uzaba umuziranenge kuri wowe.

23. Intangiriro buri gihe zihora ziteye ubwoba, kandi iherezo rihora riteye agahinda, ariko ibiba hagati yabyo ni byo bituma wishimira kuba warabibayemo

24. Ushobora kuba atari wowe wa mbere kuri we, yewe ntube n’uwanyuma cyangwa ngo ube uwe rukumbi. Yakunze mbere yawe ashobora no kuzakunda nyuma yawe. Ariko niba agukunda ubu, ikindi ushaka ni iki?

25. Ntukizere abantu bahindurwa n’ibihe ahubwo uzizere abantu baguma uko bari nubwo ibihe byahinduka.

26. Ikintu kimwe cyiza mu muziki ni uko iyo ugukozeho utumva umubabaro.

27. Ibyiza ni ugupfa urwanirira ubwigenge, kuruta kuba imbohe iminsi yose y’ubuzima bwawe.

28. Ntukishimire gutunga iby’isi ngo utakaze roho yawe, ubwenge buruta ifeza n’izahabu

29. Kuba wishimye ntibivuze ko uwo munsi ari ndakemwa, ahubwo ko wirengagije ibibi byawo

30. Ntugahore utegereje ko aguha ibirenze ibyo ashoboye gutanga. Seka nakunezeza, mumenyeshe ko yakurakaje kandi umukumbure naba adahari.

 

Richard [email protected]

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.