Search

Mu gitaramo cya KNC na Yvonne ChakaChaka hari imyanya izishyurwa akayabo k’ibihumbi 400,000 RWF

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kakooza Nkuriza Charles wamamaye ku izina rya KNC anakunze gukoresha cyane mu muziki we, ubunyamakuru, gukina Filime n’ibindi, ari mu myiteguro y’igitaramo ateganya gukora amurika Alubumu ye nshya yise “Heart Desire” yatumiye mo Yvonne Chaka Chaka wagacishijeho mu bihe byambere muri Afurika y’Epfo.

Mu gihe amakuru amaze igihe agaruka ku myiteguro y’iki gitaramo, hari hategerejwe uko ibiciro bizaba bihagaze ku muntu uzajya kwihera ijisho ibyamamare bizaba birikugacishaho kuko icyo gihe ari nabwo KNC azaba agiye kuririmbira abakunzi be indirimbo ze ndetse abagezaho n’utundi dushya twihariye yabateguriye.

Iki gitaramo kizagaragaramo umuhanzi wagacishijeho mu bihe bya mbere wo muri Afurika y’Epfo wamamaye ku izina rya Yvonne Chaka Chaka, akaba ari umwe mu bahanzi bo hambere baranzwe no kuririmba indirimbo zibyinitse kuburyo hitezwe ko zizashimisha abazaba bitabiriye iki gitaramo.

Kwinjira muri iki gitaramo kizaba mu ijoro ryo kuwa 27 Nyakanga2018 muri Kigali Exhibition and Conference Village (KCEV) ahazwi nko muri Camp Kigali, ni amafaranga 20,000Frw ku bazicara ahasanzwe ndetse na 30,000Frw ku bazicara mu myanya y’icyubahiro. Gusa kuri ibi byiciro hari uburyo bwashizweho nka Promotion bwo kugabanyirizwa ibihumbi 5000 ku muntu uzagura itike mbere y’umunsi w’igitaramo.

Nk’uko byagaragajwe ku mbuga nkoranyambaga KNC asanzwe akoresha, hagaragaye ko hari ubundi buryo bwihariye bwo kugura itike kubazicara kuri table( Ameza) y’abantu 8, aba bakaba bazishyura ibihumbi 400 by’Amanyarwanda ( 400,000 RWF).

Iki gitaramo cyatumiwemo umuhanzi wo muri Afurika y’Epfo Yvonne Chaka Chaka, kizaririmba mo n’abandi bahanzi batandukanye bahano mu Rwanda mu rwego rwo gususrutsa bihagije abacyitabiriye gusa hagati aho abahanzi bagomba kuzafasha KNC na Yvonne Chaka Chaka ntibaratangazwa.

Umuhanzi KNC ni umwe mu baririmbyi b’ Abanyarwanda bazwiho gukora ibintu bitandukanye mu myidagaduro, uretse kuba ari umuhanzi w’Indirimbo ni umunyamakuru wa Radio1 na TV1 ndetse akaba ari nawe ubihagarariye, akina filime by’umwihariko akaba ari n’umuyobozi mukuru w’Ikipe ya hano mu Rwanda  ikina mu cyiciro cya kabiri Unit FC Abafana bayo bakunze kwita Gasojyi FC.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *