Mu minsi ibiri gusa, abashinwa bujuje ibitaro byo kwakiriramo abarwayi barenga 1000 banduye indwara idasanzwe ya coronavirus

Mu mpera z’Icyumweru gishize mu mujyi wa Wuhan mu Bishinwa mu gace kitwa Huanggang hatangiye kubakwa ibitaro bya mbere byo kwita ku bafashwe na coronavirus. Ubu byuzuye nyuma n’iminsi ibiri.

Guhera ku wa Mbere kugeza kuri uyu wa Gatatu taliki 29, Mutarama, 2020 abakozi hamwe n’abakorera bushake biriwe bashyira ibintu ku murongo, ubu ibi bitaro bishobora kwakira abarwayi barenga 1000 kandi bafite ibitanda n’imiti.

Imirimo yo kubaka ibi bitaro yakozwe ku bufatanye n’abafundi

Ibikorwa byo gutunganya ikibanza byari byaratangiye ku wa Gatandatu, taliki 26, Mutarama, 2020.

Kugeza ubu iriya virus yari imaze gufata abantu basaga 4500, abagera ku 131 barapfuye mu Bushinwa ariko hari n’abandi yafashe hirya no hino ku isi.

Imirimo yo kubaka biriya bitaro yakozwe ku bufatanye n’abafundi, abakorera bushake, abasirikare na Polisi n’abandi baturage.

Ubu biriya bitaro birimo ibitanda, imiti, amazi, amashanyarazi na internet.

Abakozi bose hamwe bari 500 bakoresha imashini zubaka zirenga 100, bakaba barakoze amasaha 48 bataruhuka na gato.

Umujyi wa Wuhan usanzwe utuwe n’abantu miliyoni 7.5,ukaba umaze igihe mu kato kubera virus ya coronavirus yahadutse ikaba ari virus yandura vuba ariko igahitana abantu bake ugereranyije n’abo yafashe.

Tanga Igitekerezo ukoresheje Facebook

SHARE

1 IGITEKEREZO

  1. Aba bagabo iyo ndebye ukuntu bitabira umurimo mbona bazayobora isi nta kabuza. Twigire ku ba Chinois natwe tuvane amaboko mu mufuka tuzatera imbere.