Mu Rwanda abarega ibihumbi 100 bose bafashwe barenze kumabwiriza yo kwirinda Covid-19 , mu byumweru 2 gusa umujyi wa Kigali wari umaze muri Guma mu Rugo.

Nk’uko polisi yabitangaje , kuva inama y’Abaminisitiri yaterana kuwa 18 Mutarama maze hakemezwako umujyi wa Kigali ugomba kuguma murugo mu rwego rwo gushya icyorezo cyari cyakajije umurego , Abantu barenga ibihumbi 100 bose bafashwe barenze ku mabwiriza yo kwirinda Covid-19 mu byumweru 2 gusa.

Mu kiganiro yagiriye kuri RBA ,umuvugizi wa Polisi CP John Bosco Kabera yagize Ati “Hari ukutambara agapfukamunwa kandi urabyumva muri iki gihe mu by’ukuri amezi 10 tumaze ikintu cyo kuvuga agapfukamunwa ntabwo gikwiye kuba ari ikibazo, rwose ntekereza ko kwambara agapfukamunwa neza buri muturarwanda wese akwiye kuba abizi.”

“Icya kabiri ni abantu bafatirwa mu tubari, ubu Polisi hari abantu ijya ifata basinze muri Guma mu rugo bagenda mu muhanda batwaye imodoka ugasanga umuntu yasinze, ibyo birakwereka uburyo abantu basa n’aho batabyumva neza, hari abantu bafatwa bagiye mu birori cyangwa bahuriye hamwe ibyo turabizi byagiye bisobanurwa kenshi n’inzego zibishinzwe z’ubuvuzi zizi neza uburyo iki cyorezo gikwirakwira abo nabo baracyagaragara.”

Yakomeje avugako abantu benshi baka impushya zo kugenderaho ariko bakazikoresha muburyo butari ngombwa , maze abasaba ko niba usabye uruhushya bigomba kuba ari ibintu biri ngombwa kuko uruhushya Atari rasiyo cyangwa ngo mwahaye runaka nanjye ni mumpe.

 

Abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Mu Rwanda abafatwa barenze kumabwiriza yo kwirinda Covid-19 bahanishwa ibihano birimo gucibwa amande ndetse no kurazwa muri Stade.

Tanga Igitekerezo ukoresheje Facebook

SHARE