Mu Rwanda hafunguwe uruganda rwambere muri Afurika rukora telefoni zigezweho(Amafoto)

Perezida wa Repubulika y’u Rwanda Paul Kagame yavuze ko telefoni igendanwa iri kugenda iba igikoresho nkenerwa mu buzima bwa buri munsi.

Ibi yabivuze ubwo yafunguraga ku mugaragaro uruganda rwambere mu Rwanda ndetse no muri Afurika rukora telefoni ngendanwa zigezweho.

Yagize ati:…“SmartPhone ntikiri igikoresho gihenze kandi cy’imbonekarimwe, ahubwo iri kugenda iba igikoresho nkenerwa mu buzima busanzwe bwa buri munsi.”

Perezida Paul Kagame areba telefoni yakorewe mu Rwanda

Perezida Paul Kagame yanavuze ko kubona uru ruganda rwa Mara Phones byaciye mu nzira zigoranye, ariko yishimira ko birangiye bageze ku ntego, anabiheraho yemeza ko ari igikorwa cy’indashyikirwa.

Perezida Kagame yagize ati: “..ni igikorwa gisaba ubwenge buhanitse ndetse n’ikoranabuhanga ryo mu rwego rwo hejuru, kuba zigiye gukorerwa mu Rwanda, ni intambwe ikomeye duteye kandi ni igikorwa cy’indashyikirwa tugezeho mu rugendo rw’ikoranabuhanga.”

Mu Rwanda ubu harigukorerwa telefoni za Smart Phone

Kagame Yashimiye buri wese wagize uruhare muri iki gikorwa by’umwihariko umuyobozi wa Mara Corporation Ltd, Ashish J. Thakkar wahisemo kuzana uru ruganda mu Rwanda.

Ashish Thakkar yavuze ko uru ruganda rukorera telefoni mu Rwanda ruzatanga akazi ku bantu barenga ibihumbi 200, 16% bazaba ari abagore, ibi byose bijyanye na gahunda y’iterambere rirambye.”

Muri Gicurasi telefoni zakozwe na Mara Corporation Ltd, zamuritswe i Paris mu gikorwa ngarukamwaka cya Viva Technology (VivaTech).

Uru ruganda rukora ubwoko bubiri bwa Mara Phones aribwo Mara Z na Mara X, zombi zijyamo SIM Card ebyiri

Tanga Igitekerezo ukoresheje Facebook

SHARE