Mubirori bidasanzwe Meddy yambitse impeta umukunzi we w’umunya-Ethiopia amusaba ko yazamubera umugore bakabana akaramata(Amafoto)

Umuhanzinyarwanda Ngabo Medard uzwi nka Meddy, uba muri Leta Zunze Ubumwe za Amerika yasabye umukunzi we, w’umunya-Ethiopia ko yazamubera umugore bakazabana akaramata nk’umugore n’umugabo.

Mu ijoro ryo kuri uyu wa Gatanu tariki 19 Ukuboza 2020 nibwo Meddy yasabye Sosena Aseffa [Mimi Mehfire] ukomoka muri Ethiopia ko yazamubera umugore.

Byari ibirori bidasanzwe

Uyu muhango wabereye mu birori by’isabukuru y’amavuko ya Mimi Mehfira, byari byitabiriwe na bamwe mu nshuti z’aba bombi.

Nkuko bigaragara mu mashusho Meddy yagaragaye aca bugufi ashyira ivi hasi agasaba uyu mukobwa ko yazamubera umugore, undi nawe nta kuzuyaza yahise yemera atega urutoki Meddy arushyiramo impeta.

Umuraperi K8 Kavuyo nawe uba muri Amerika yifashishije amashusho y’ibi birori Meddy atera ivi, yamwifurije ishya n’ihirwe mu rugendo rushya yatangiye na Mimi. Uyu mukobwa wambitswe impeta aratungurwa biramurenga.

Mimi yambitswe impeta ku isabukuru ye y’amavuko

Ku gicamunsi cy’uyu wa Gatanu, Meddy yari yanditse kuri konti ye ya instagram abwira Mimi ko ari buze kumwitaho uko ashoboye.

ni ibyishimo bidasanzwe kuri Mimi wambitswe impeta ku munsi yavukiyeho
Meddy yakundanye na Mimi nyuma yo kumwifashisha mu mashusho y’indirimbo “Ntawamusimbura”. Iyi ndirimbo “Ntawamusimbura” mu gihe cy’imyaka ibiri imaze ku rubuga rwa Youtube, imaze kurebwa inshuro zirenga Miliyoni 4.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

2 IBITEKEREZO

  1. Ahhhh! Ngo umunya Ethiopia? Ubu rero arumva yakoze agashya nk’umuhanzi! Nahame hamwe aze amusaze yumve! Abanyamahanga baba ari abanyamahanga ntiyibwire ngo bafite gucisha make nk’abana b’iwacu!