Muri Kenya bahangayikishijwe cyane n’indiriimbo Jerusalema irikwamamara cyane bigatuma abantu batabasha kwirinda Koranavirus

Minisitiri w’ubuzima muri Kenya avuga ko atewe impungenge n’uko indirimbo ya Jerusalema iri gutuma abantu bareka amabwiriza yo kwirinda Covid-19 aho bidagadurira.

Mutahi Kagwe, yavuze ko umucezo wa Jerusalema abantu bawuceza mu tubari batitaye ku guhana intera.

Jerusalema irakunzwe cyane

Kurushanwa guceza Jerusalema – indirimbo yasohotse mu 2019 muri Africa y’Epfo iri mu rurimi rw’iki-Zulu – bimaze gukwira henshi ku isi muri iki gihe cya coronavirus.

Ku cyumweru, Bwana Kagwe yagize ati: “Numvise hari n’umucezo mushya ugezweho cyane mu tubari…Ko iyo Jerusalema igiyemo, amabwiriza yose [yo kwirinda covid] arasohoka. Rwose mwaceza Jerusalema ariko mukanahana intera”.

Kuwa kabiri, biteganyijwe ko abadepite ba Kenya nabo basohora amashusho bari guceza uwo mudiho ugezweho ku isi.

Muri Kenya, abantu 44,881 bamaze kubasangamo Covid-19 naho 832 imaze kubica. Ku cyumweru minisiteri y’ubuzima yaho yatangaje abantu 616 bashya bayanduye kuwa gatandatu.

Muri iki gihugu utubari, amashuri n’isengero byongeye gufungurwa, nubwo hari umukwabu utegeka abantu kuba bari mu ngo zabo saa yine z’ijoro.

indirimbo yasohotse mu 2019 muri Africa y’Epfo iri mu rurimi rw’iki-Zulu – bimaze gukwira henshi ku isi muri iki gihe cya coronavirus.

Tanga Igitekerezo ukoresheje Facebook

SHARE