‘Murugo’ indirimbo nshya ya MD irwanya ibiyobyabwenge n’ubuzererezi. VIDEWO

Ashinigiye ku gitecyerezo yahawe n’umushumba w’Itorero rya Light Church Kabuga Amoni Munyaneza, umuhanzi MD Dieudone yashyize hanze amashusho y’indirimbo ‘Murugo’ ishishikariza urubyiruko kugendera kure ibiyobyabwenge no kwirinda ubuzererezi.

‘Murugo’ n’indirimbo MD yashyize hanze mu kurushaho gukangurira abantu kwirinda no kwamagana ibiyobyabwenge biri mubiri kuzahaza Umuryango Nyarwanda by’umwihariko urubyiruko rwo mbaraga z’Igihugu no guhashya icyatera ubuzererezi.

Uyu muhanzi ukora injyana ya Gospel Hip Hop avuga ko mu kurushaho gutambutsa ubutumwa bw’abatura benshi nk’umuhamagaro we yahisemo gukora iyi ndirimbo, mu mashusho yisanisha n’umwana wo ku muhanda(Mayibobo) wari waravuye iwabo nyuma agasezerera ibiyobyabwenge.

“Mu rugo n’indirimbo ifite ubutumwa buvuga ku mwana wo mu muhanda(Mayibobo) warambiwe ubuzima yararimo bitewe n’ibiyobyabwenge byamukoreshaga byinshi bibi nyuma azagufata umwanzuro wo kubireka asubira mu rugo kuko yarabayeho nabi “

MD umuraperi ukomeje gutambutsa ubutumwa bwa Yesu Kristo abinyujije muri Gospel Hip Hop

MD avuga kandi ko mu buzima bw’umuhanda ububamo ahahurira n’ibibazo byinshi bimwangiriza ubuzima ngo n’ubwo atabubayemo ariko ahura kenshi n’abana babayeho nabi mu muhanda ari naho ahera avuga ko bakwiriye kugaruka ‘Murugo’ kuko nta keza k’umuhanda

“Ubuzima bwo ku muhanda buba bushaririye cyane, ndi inshuti cyane n’abana baba ku muhanda kenshi mpura nabo, mu muhanda habamo ibiyobyabwenge byinshi habamo n’abana b’abakobwa basambanywa. n’ubuzima bubi n’ubwo ntabaye ku muhanda ariko mba numva ababayo bose bavayo bakagaruka murugo, bakiga bakabona urukundo rwo mu muryango”

Ashingiye ku ndirimbo ‘Murugo’  MD avuga ko urubyiruko rukwiriye kugendera kure ibiyobyabwenge

” Urubyiruko nk’uko ubuyobozi budushishikariza kureka ibiyobyabwenge kuko bidushora mukibi icyaricyo cyose ubu tugomba gushira hamwe tukabirwanya kuko birikwangiza iterambere ryacu muri rusange”

MD umaze kwegukana inshuro 3 ibihembo muri Groove Awards mu Rwanda

Uyu muhanzi avuga iyi ndirimbo yifuza ko yafasha benshi cyane cyane urubyiruko rwabaswe n’ibiyobyabwenge aho avuga ko yagerageje kwisanisha n’uwazahajwe n’ibiyobyabwenge kugira ngo yerekane ububi bwabyo ndetse n’ubuzima bw’ababa muri ubu buzima kugira ngo ubifitiye ubushobozi wese atange umusanzu wo kwamagana Ibiyobyabwenge n’ibindi byose bitera abana b’Urwanda guta amashuli bakajya mu buzima bubi bwo mu muhanda.

MD ukora injyana ya Gospel Hip Hop avuga ko yahisemo gukora iyi njyana ikundwa n’urubyiruko kugira ngo bijye bimworohera gutambutsa ubutumwa bwe byoroshye kandi bugere ku bantu benshi kuko iyi njyana iri muzikurikirwa cyane kandi zikundwa.

Uyu muraperi ushima Imana avuga ko kuri ubu bimaze kuba byiza cyane kuko mu madini n’amatorero basigaye bumva Gospel Hip Hop ibintu bibatera imbaraga zo gukora cyane aho asaba abahanzi bagenzi be kudacika intege bagakomeza gutambutsa ubutumwa bw’Umwami Yesu Kristu.

Reba hano indirimbo MURUGO ya MD

 

 

 

 

 

 

Tanga Igitekerezo ukoresheje Facebook

SHARE