Musanze: Abahanzi basabanye n’Abanyamakuru b’imyidagaduro mu mukino wabahuje

Ku cyumweru taliki ya 09.02.2020 mu karere ka Musanze habereye umukino wa Gishuti wahuje abahanzi bo mu karere ka Musanze ndetse n’abanyamakuru bakora ibijyanye n’imyidagaduro muri ako karere ,umukino waranzwe n’ubusababane bwo ku rwego rwo hejuru.

Ahagana ku isaha yi saa cyenda n’igice i Musanze nibwo uwo mukino watangiye uhuza abahanzi ndetse n’abo banyamakuru. uyu mukino wari ufite intego yo guhuza ndetse no gusabana hagati y’abahanzi ndetse n’abanyamakuru b’imyidagaduro badakunze kurebana icyoroshye hirya no hino.

Ku mpande zose abakinnyi bari babucyereye ku buryo buri kipe yari yakaniye ishaka intsinzi,mu kibuga ishyaka ryari ryose kuri buri ruhande gusa bacishagamo bagaseka kubera bamwe mu bakinnyi berekanaga udukoryo nka Montana umunyamakuru wa Energy Radio ku ruhande rw’abanayamakuru watanze imipira 2 yavuyemo ibitego 2 rukumbi iyi kipe yabashije gutsinda.

Ikipe y’abanyamakuru
Ikipe y’abahanzi bi Musanze

Uyu mukino wasojwe ikipe y’Abahanzi bo mu karere ka Musanze inyagiye iy’abanyamakuru 6-2 ibitego byinshi byinjiye mu gice cya kabiri kubera umunaniro waranze aba banyamakuru hagati mu kibuga.

Yvone Kwizera umunyamakuru mu biganiro by’imyidagaduro kuri Energy Radio wari umutoza mukuru w’ikipe y’abanayamakuru yatangaje ko uyu mukino n’ubwo ikipe ye ititwaye neza kuri bo babona batsinze.

“N’ubwo ikipe yacu itabashije gutsinda ariko mu by’ukuri twitwaye neza kandi intego twayigezeho,icya mbere twifuzaga n’uguhura tugakora sports,tugasabana bamwe tukanamenyana urabona byagenze neza kandi n’igikorwa cyiza cyane kizahoraho”

Yvone yakomeje avuga ko ikipe yabo itagiye guterera agati mu ryinyo ko mu mukino wo kwishyura bazaza bakaniye ku bury bizeye ko intsinzi bazayegukana

Ku ruhande rw’ikipe y’abahanzi ibyishimo byari bose nyuma yo kwegukana intsinzi nk’uko byatangajwe na Kapiteni w’iyi kipe Maylo umuraperi uzwi cyane i Musanze

“Iyi n’intsinzi twishimiye ku buryo bukomeye,turanezerewe kuba byonyine uyu mukino wabaye,n’ibintu bigaragaza ubufatanye bukomeye ,turashimira ababashije kuza ndetse n’abatageze aha tubabwire ko ubutaha tubashaka kugira ngo twubake muzika yacu”

Bwana Isaac Habyalimana uzwi ku izina rya Stone Perezida w’Ihuriro ry’abahanzi bo mu karere ka Musanze nyuma y’umukino yatangarije Ibyamamare.com ko bateguye iki gikorwa mu rwego rwo guhura no guhuza imbaraga

“Uyu mukino twawuteguye kugira ngo turusheho guhuza imbaraga,abahanzi bahure n’abanyamakuru kuko n’abantu bakorana bya hafi ariko ntibyorohera umuhanzi kubonera rimwe abanyamakuru banganagutya,urabona bari gusabana kandi bakanaganira n’ibintu rero twakoze kugira ngo tunigire hamwe uko twabyaza umusaruro umulimo dukora w’ubuhanzi”

Stone Isaac perezida w’Ihuriro ry’abahanzi bi Musanze

Nyuma y’umukino wahuje aya makipe yombi hakurikiyeho igikorwa cyo kwicara hamwe bafata ifunguro ndetse basasa inzobe kucyateza muzika yi Musanze imbere aho buri umwe yafashe umwanya agatanga igitecyerezo cy’uko bashyira hamwe akarere ka Musanze kakongera gutumbagira mu bikorwa bya Muzika nk’uko byahoze mu myaka itambutse.

Abahanzi barimo The Bless,Maylo,Producer Mishou,umuraperi Fizzo Masson,Daniel ukora Gospel n’abandi basabye abanyamakuru kurenga udukundi twigize kugaragara muri muzika yi Musanze ahubwo bagafasha impano ya nyayo ikwiriye gufashwa maze bakarushaho gutera imbere.

Nyuma y’umukino abahanzi barasabanye karahava n’abanyamakuru

Abayisenga Ben na Ally Muhirwa bakorera Radiyo Musanze bagarutse kuri Muzika yo muri Musanze mu myaka yaza 2010 kuzamura bibutsa abahanzi ko hakwiriye kugaruka ishyaka ryo gukora ibihangano bifite ireme ndetse no kutirara cyane banabibutsa ko ubu byoroshye kuko basigaye bafite itangazamakuru ndetse haje n’ubundi buryo bwinshi bwo kumenyekanisha umuhanzi.

Bose bahuriye ku kintu kimwe “Musanze yongere irabagirane mu muziki, umujyi wacu ubemo imyidagaduro itunga abayikora”

Umuhanzi G Bruce usigaye witwa Blu Beat mu gutunganya muzika nawe yari yaje gusabana na bagenzi be

Josbert Shyaka na Kwizera Yvone bakorera Energy Radio bahaye nabo inama abahanzi yo gukora ibintu bifite ireme bakareba icyabateza imbere bakirinda n’intonganya za hato na hato zikunda kugaragara mu bahanzi

“Impano ya nyayo ntawakwanga kuyifasha,mukore ibintu bifite ireme tuzamure muzika yacu”

Stone Isaac kandi yibukije aba bahanzi ko Ihuriro rifite ingamba nyinshi zirimo umukino wa Gishuti bari gutegura hagati yabo n’ikipe y’Ihuriro ry’abanyamakuru bakora imyidagaduro mu Rwanda mu rwego rwo kugira ngo muzika yo muri Musanze ntigahere mu ntara gusa ahubwo igere n’ahandi mu Gihugu.

Stone Isaac perezida w’Ihuriro ry’abahanzi bi Musanze

Tanga Igitekerezo ukoresheje Facebook

SHARE