Myugariro w’Amavubi, Usengimana Faustin agiye kurushinga n’umukobwa bakundanye imyaka 10

Usengimanga Faustin ukina nka myugariro mu ikipe y’Igihugu Amavubi ndetse na Buildcon yo muri Zambia, agiye kurushinga n’umukunzi we Bayingana Daniella bakundanye imyaka 10.

Usengimana Faustin wanyuze mu makipe nka APR FC na Rayon Sports, nyuma y’imyaka isaga 10 ari mu buryohe bw’urukundo na Bayingana Daniella kuri ubu aba bombi biyemeje kurushinga bakibanira ubuziraherezo.

Nk’uko bigaragara ku mpapuro z’integuza bashyize hanze, biteganyijwe ko tariki ya 9 Ugushyingo 2019 aribwo Faustin azajya gusaba no gukwa uyu mukunzi we, iyi misango ikazabera mu busitani bwa Kaminuza ya UTB ishami rya Rubavu ari naho Bayingana Daniella avuka.

Ku itariki ya 11 Ugushyingo 2019 bakazasezerana imbere y’Imana kuri Parkland Remera mu mujyi wa Kigali.

Faustin uri mu bakinnyi bafashije Rayon Sports gukora amateka yo kugera mu matsinda mu mikino ya ya CAF Confederations Cup, mbere yuko yerekeza gukina muri Zambia yabanje kunyura muri Khaitan Sporting Club yo muri Kuwait.

Yanakiniye ikipe y’igihugu mu byiciro byose yaba icy’abatarengeje imyaka 17, 20, 23 n’ikipe y’igihugu nkuru.

Integuza y’ubukwe bwa Faustin na Daniella.

 

Tanga Igitekerezo ukoresheje Facebook

SHARE