Ndagisha Inama : Nakundanye n’umusore imyaka 5, dutandukana umugabo anteye inda, uyu mugabo anyizeza ibitangaza ko ntakibazo azantunga, none nasanze afite undi mugore ndetse bafitanye isezerano ubu yarantaye, Mbigenze nte?

IBM Radio Listen Live

KANDA HANO UREBE VIDEO

Muraho Neza basomyi duhurira kuri uru rubuga, mu mbabarire ntimutangaze amazina yanjye bwite kubw’umutekano wanjye (twamuhaye izina rya Yvette)

Nitwa Yvette kuri ubu ndi umugore ufite umwana umwe ntuye mu mujyi wa Kigali mu Karere ka Nyarugenge, Reka mbasangize gatoya kubuzima bwanjye bw’urukundo, natangiye gukundana n’umusore ndi mu mwaka wa 6 Secondaire, uyu musore yari abaye uwa gatatu nkundanye nawe kuva namenya ubwenge, yarankundaga by’ukuri nanjye nkamukunda.

Dutangira gukundana uyu musore yigaga mu mwaka 1 muri Ulk ariko afite n’akazi nubwo akazi ke katamuhembaga amafranga umuntu yakwita ko ari menshi, ubwo nanjye Secondaire narangije Secondaire ndagije hari abantu bandihiraga babwirako ibyo bakoze bihagije badafite ubushobozi bwo kuba banyishyurira Kaminuza, nicaye umwaka umwe ariko uyu musore twakundanaga bikamubabaza ukuntu ntari kwiga, kuko yakoraga muri Sacco yaje gufata inguzanyo maze nanjye anyishyurira ishuri muri Ulk,  ndatangira ndiga kuko narinzi n’ubwenge nkajya nsinda, byaje kugeraho Uyu musore ageze mu mwaka wanyuma kwishyura yanguzanyo yari yarafashe biramugora cyane ahitamo guhagarika amasomo ariko arareka njye ndakomeza ndiga ndetse akampa buri kimwe nkeneye ubwo yabaga iwabo nanjye mba ahantu muri famille kuko iwacu ubusanzwe ni I Nyanza.

Umusore kwiga yarabihagaritse arakomeza aramfasha kuko yabonaga nzi ubwenge, turakomeza turakundana, muri 2015 nibwo nasoje kaminuza, akazi karabura umusore muri duke yari afite arakomeza amfasha kurwana n’ubuzima bw’I Kigali

Mu mpera za 2015 nko mu kwezi kwa 12 yansabye ko atakomeza kumfasha tutabana, ansaba ko twabana nk’umugore n’umugabo ndetse tugakora ubukwe numvise aribyiza cyane ndetse biranshimisha kuko numvaga amagambo ambwiye ntako asa, twaratangiye turitegura, amatariki y’ubukwe turayapanga, ubukwe tubushyira mu kwezi kwa 7 muri 2016.

Twarakomeje turitegura tubanye neza nta kibazo  byaje kugera nko mu kwezi kwa 3 muri 2016 tuba tugiranye ikibazo kuko hari ubukwe natashye bwarimo abana twiganye turishimana icyo gihe ndarayo, muri ubwo bukwe narayemo hari abamubwiye ko nararanye n’umusore ariko kubwanjye byari amagambo y’abantu kuko ntamuntu nararanye nawe w’umusore, Ubwo uyu musore twakundanaga byaramubabaje cyane ngo nasambanye ariko njyewe nkamusobanurira ntabyumve neza, ubwo yarandakariye cyane ntiyongera kujya amvugisha nkuko byari bisanzwe kuburyo twamaze nk’ukwezi ntawe uvugisha undi, bibaho ubwo muri icyo gihe kandi nibwo nayaminsi y’ubukwe irikwegereza ndetse twamaze no kubivuga mu miryango, arandeka nanjye ndamureka kuko numvaga byanze bikunze azisubiraho.

Muri uko kwezi tutavugana naje guhura n’umugabo ufite amafranga umugabo ubona wiyubashye ubwo turatangira tuba inshuti akajya ansohokana mbese akanyereka ko anyitayeho cyane nanjye nkabibona, Ubwo mbonye wa muhungu ntacyo akimbwira numvaga asa naho yabivuyemo, Ubwo nakundanye n’uyu mugabo, turatangira tukajya turyamana, kubw’amahirwe make aba anteye inda, ndabimubwira mbimubwiye biramushimisha cyane, mbonye bimushimishije numva nanjye ntacyo bintwaye kuko byagaragara ko anyitaho, icyo gihe aho nabaga hari muri famille y’iwabo na Maman, maze gutwita nabonye nibabimenya bizangwa nabi negereye wa mugabo wanteye inda mubwira ikibazo ndetse musaba ko twabana ariko byibuze akaza gusaba agakwa kugirango ababyeyi babone ko bareze neza, umugabo yambwiye ko ibyo gukora ubukwe byo bitashoboka gusa anyizeza ko ntakibazo tuzabana.

Ubwo byabaye ngombwa kuko aho nabaga bari bamaze kumenya ko ntwite mpita mpava ntanabasezeye njya kubana n’uyu mugabo aho yakodeshaga, umugabo twarabanye kugeza mbyaye umwana w’umuhungu narintwite, maze kubyara naje kumenyako umugabo afite undi mugore bafitanye abana babiri ndetse basezeranye byatangiye kunshanga ntangira kwibaza byinshi narabimubajije arabyemera ariko ambwirako batandukanye

Ikibazo mfite ubu ari nacyo nshaka ko mungiraho Inama, ubu mugabo yarantaye, maze amezi atatu mu nzu n’umwana ntakazi ngira ubu ntunzwe n’abaturanyi, Umugabo iyo mubajije impamvu atagaruka murugo ambwirako yagiye mubutumwa bw’akazi I Gisenyi ko azagaruka, ukumva ntagishaka kumvugisha neza, namubwira ibibazo by’amafranga mfite ntabyumve neza akambwira ko nawe aho ari ntabushozi afite, ariko njyewe naje kumenyako impamvu yantaye hari abantu bamubwiye ko umwana yabyaye Atari uwe ahubwo ngo ari uw’umusore twakundanaga, abandi bakambwirako yasubiye kuri uwo mugore mukuru, uwo mugore mukuru sinzi aho aba, mbese ubu nanjye byaranshanze nabuze icyo nkora nabuze uko nabyifatamo sindamenya ukuri aho kuri.

Uyu musore twakundanaga sinigeze musobanurira ibi byose yamenye ko nashatse umugabo biramubabaza cyane ariko ibigaragara aracyankunda kuko ajya anampamagara akambaza amakuru ariko nkirinda kugira icyo mubwira cyerekeranye n’ubuzima mbayemo

Ndifuza ko mwangira Inama mba mu nzu yishyurwa ibihumbi 70frw, ubu nyiri nzu tumurimo amezi atatu kubwanjye aya mafranga sinabashya kuyishyura, nyiri nzu yambwiye ko musohokera mu nzu kandi ko ntakintu nakimwe nzasohokanamo kuko tumurimo amfaranga menshi, ubu nabuze icyo nakora nabuze aho nakwerekeza, NIMUBWIRE MBIGENZE NTE KOKO? Umugabo ahora ambwira ngo azagaruka ari mu kazi, ukwezi kugashira ukundi kugataha, ubu nabuze epfo naruguru?!!!!

2,574 total views, 316 views today

Comments

comments




4 thoughts on “Ndagisha Inama : Nakundanye n’umusore imyaka 5, dutandukana umugabo anteye inda, uyu mugabo anyizeza ibitangaza ko ntakibazo azantunga, none nasanze afite undi mugore ndetse bafitanye isezerano ubu yarantaye, Mbigenze nte?

  1. Wamba

    Izo ni ingaruka z’ubuhemu! emera utegereze uko bizakugendekera!! umusore yaragukunze aranakwitangira unanirwa kumufasha mu burakari yagize ngo mwiyunge! tekereza umuntu wemeye guhara amashuri ngo wowe ukunde wige!! warangiza ukamuhemukira utyo!!

    Reply
  2. spec

    warizize banza wumve kowahemutse cyane uzagere aho uzasaba imbabazi ubundi Imana izagucira inzira. nahubundi ndumva utanicuza kurubwo buhemu

    Reply
  3. vava

    ariko abasomyi twaragowe pee!! ubwose inama ushaka ko tukugira ni iyihe ?uri umuhemu uri umusambanyi ruharwa .gusa Shikama wumve ingaruka z’ubusambanyi .umusore yahagaritse ishuli kubera wowe .ujya mumanye usambanirayo nkaho wakamusabye imbabazi ngo atuze yumve ukuri kwawe urengaho uzambana n’umugabo wubatse !can u imagine ibyo ubwo busambanyi bwose mukwezi kumwe

    Reply
  4. kiddo

    mubuzima dukora amafuti peee ubuse yvette uyumwana wakurihiye ishuri uzi impamvu yagukekeye ubusambanyi??nuko yagusanze utari isugi.rero nawe kuko warongowe nabenshi wanze guca bugufi NGO umwumvishe ukuri wibonera indi yibunza.Rero Inama yambere rekera guryamana nuwo ariwe wese,sohoka munzu yabandi,hama korera umwana wawe unasenge wigirire icyizere

    Reply

Leave a Reply

Your email address will not be published. Required fields are marked *