Search

Ndagisha Inama :: Umugabo yaranshutse antera inda, bituma ntandukana n’umusore twakundanaga tugiye gukora ubukwe, none uyu mugabo atangiye kumpinduka, Mbigenze nte?

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Muraho neza basomyi b’uruvuga rw’ikinyamakuru ibyamamare.com mbandikiye ngira ngo mungire Inama kuko ikibazo mfite kirandemereye.

Amazina yanjye nitwa Muhawenimana (Amazina ye twayahinduye kubw’umutekano we) ntuye mu mujyi wa Kigali muri Kicukiro, ikinteye kubandikira mfite ikibazo kindemereye ndababaye cyane ubu sinkibasha gusinzira.

Ubu ndi umudamu mfite abana babiri umwe ufite umwaka umwe n’igice nundi umaze kuzuza amezi atatu, nabanaga n’umugabo twari tumaranye umwaka hafi n’igice tubana nk’umugore n’umugabo, none ubu yarantaye amaze amezi nk’atatu yaransize munzu antara uruhinja, agenda yagiye atanansezeye.

Uko twabanye mubyukuri uyu mugabo ntitwigeze dukundana mbere yo kubana twabanye kuko yanteye inda kuko nubwo yanteye inda ntitwakundanaga kuko narimfite umusore twakundanaga ndetse twiteguraga no kubana ariko ntibyashobotse.

Uyu mugabo uko twamenyanye nigaga muri Kaminuza ya UNLAK, kuko twari dutuye mugace kamwe yakundaga kunshaho ngiye ku ishuri, agakunda kumpa lifuti ngiye ku ishuri, tuzakumenyana gutyo ariko yari abiziko mfite umukunzi ndetse naramubwiye ko twitegura ubukwe.

Umunsi umwe uyu mugabo yaje kunshuka ambwirako arwaye ari murugo kandi ntawundi mntu afite wamufasha kubona ibyo kurya, icyo gihe nagiyeyo  aho aba,  narahageze nsanga araryamye kuko yari yambwiye ko arwaye yampaye amafranga mutegurira ibyo kurya, gusa nyuma yibyo byose ntibyarangiye neza kuko byarangiye turyamanye ari nawo munsi yanteye inda.

Maze kumenya ko yanteye inda narabimubwiye, maze kubimubwira byaramushimishije cyane ndetse atangira kunshungira hafi kuko yari aziko mfite umusore dukundanana twari tumaranye imyaka 6 ndetse twendaga no gukora ubukwe, icyo gihe uwo musore nabuze uko mubwira ko ntwite kuko nabonaga ntaho nabihera, nahisemo kumwihorera kuko nubundi nabonaga kubimubwira atazabyakira neza, ubwo aho nabaga naho kuko nari maze gutwita nabonye kubibabwira bitakunda kuko sinarikubakira, ntihari murugo ni abantu banderaga ndi imfubyi, icyogihe byaranshobeye mbona ntayandi mahitamo, ariko hagati aho uyu mugabo akaba yarampatiraga ngo ninze tubane, namubwira ibyo gukora ubukwe akambwira ko ibyo gukora ubukwe ataribyo byihutirwa cyane ahubwo icyihutirwa ari ukurengera umwana ntwite akazavuka neza, ngo ayo twakoramo ubukwe yadutunga, icyogihe nabuze amahitamo turabana, tumaze kubana narabyaye maze kubyara hashize amezi nk’ane namenyeko wamugabo yari asanzwe afite umugore basezeranye ndetse bafitanye n’abana babiri.

Umugabo narabimubajije arabyemera ariko ambwirako ntakibazo ko uwo mugore batazasubirana ndetse ngo bari kwaka gatanya. byabaye aho turakomeza turabana yarongeye antera inda ya kabiri, maze kubyara uyu mugabo ntiyongeye kujya yita kuby’urugo, yatangiye kujya arara mugasozi nabimubaza akanyuka inabi ngeze aho ndamwihorera.

Ajya kunta yarabanje akajya aza akambwira ngo buryo ki hari abantu bamuha amakuru yukuntu ngo nirirwana nawamusore twahoze dukundana, nkamuhakanira ariko ntabyumve.

Ubu yarantaye amaze amezi atatu ntazi iyo aba, yantanye uruhinja, ntacyo kurya mfite, inzu tubamo imaze amezi abiri itishyurwa, numero yakoreshaga ntigicamo, hari abambwira ko ashobora kuba yarasubiranye n’umugore we wambere kandi uwo mugore sinzi iyo atuye, mbese nanjye nabuze epfo naruguru nabuze icyo nakora ndabona isi igiye kundangiriraho NIMUNGIRE INAMA MBIGENZE NTE KOKO?

Comments

comments




6 thoughts on “Ndagisha Inama :: Umugabo yaranshutse antera inda, bituma ntandukana n’umusore twakundanaga tugiye gukora ubukwe, none uyu mugabo atangiye kumpinduka, Mbigenze nte?

  1. DANGER

    Sha inakurangiriyeho pe hama hamwe wumve icyo kutihagararaho bivuga icuze ibyo wakoreye uwari waragukunze

    Reply
  2. Edmond

    ihangane rata, ntawudakosa mubuzima gusa inama nakugira subira murugo ho bazakugaburira nubwo bagucyurira, urihangana

    Reply
  3. venuste

    ubundi se wajyaga kuryamana numugabo ufite urugo mubyukuri wibazako azagutwara? nonese ubwo uragisha inama ki ko urwishigishiye arusoma.

    Reply
  4. Habinshuti

    yooo. pole! gusa ita kubana bawe umugabo umwikuremo nubwo bitazakorohera ariko hamwe no gusenga byose birashoboka

    Reply
  5. Topman

    Uwo musore mwakundanaga ubu arimo kuguseka urumenesha.
    Ibyo wakoze nibyo bikugarutse mbabajwe nabo bana bawe batabonye amahirwe yo kurerwa nababyeyi bombi naho wowe uwo ni umusaruro wimbuto wabibye.

    Wibuke kdi ko uwo mugore wasenyeye utamurushaga gufata neza umugabo.

    Reply
  6. kami

    Isi yarangiritse koko ni gute umuntu nkawe ukuze kandi ujijutse ategwa umutego nkuwo batega imbeba akawugwamo kandi awureba ibyo ntibishoboka hari n’ibindi byinshi bitumvikana mubyo wanditse ni gute umuntu yabana n’undi atamuzi kugera aho babyarana kabiri ibyo ntibyaba ku muntu wiga hariya wigaga namwe ntimugashake kudukoza isoni.Niba ibyo wanditse ari ukuri byarabayeho uwo mugabo waramwikundiye umurutisha uwo mwari mugiye gusezerana umugusha mu mutego ari wowe yibona yaguteye inda kandi mwari munasanganywe ihangane rero urye ku musaruro w’imbuto witereye niyo nama nakugira.

    Reply

Leave a Reply

Your email address will not be published. Required fields are marked *