ndifuza ko mumfasha mukangira inama kuko ndaremerewe umutima wenda guturika.

IBM Radio Listen Live

KANDA HANO UREBE VIDEO

Nanjye ndifuza ko mumfasha mukangira inama kuko ndaremerewe umutima wenda guturika. 

Ndi umukobwa w’imyaka 25 nkaba nkiri ingaragu. Ubwo nigaga mu mashuri yisumbuye mu mwaka wa gatatu, nagize ikibazo mbura amafaranga y’ishuri kuko ababyeyi banjye bari abakene.

Nyuma yo guhagarika amashuri umwaka umwe kandi nari nkiri muto hari umugabo wanyemereye kundihira ishuri aramfasha akajya ampa amafaranga y’ishuri n’ibikoresho byose nkeneye ndiga ndangiza amashuri yisumbuye nta kibazo.

Ndangije amashuri yisumbuye umugabo yandihiriye na kaminuza ubu nayo maze kuyirangiza kandi nukuri yarankoreye bihambaye ubu ndi umukobwa ufite akazi n’ubuzima bwiza kandi byose niwe mbikesha.

Hagati aho ariko ubwo nigaga mu mwaka wa kabiri wa kaminuza, umugore wa wa mugabo yaje gukora impanuka y’imodoka arapfa ariko umugabo arakomeza andihira ishuri nta kibazo.

Nyuma ejobundi aho ndangirije kaminuza yatangiye kujya ambwira ukuntu ndi mwiza, akajya antuma iwe ngo njyeyo murebere umwana we dore ko yanapfakaye akiri muto afite umwana umwe. Ntibyatinze rero aranyerurira ambwira ko ankunda cyane ndetse yifuza ko twabana akaramata nkamuhoza amarira kandi ngo aranyizeye simuhakanire.

Mu by’ukuri ni umugabo utari mukuru cyane kuko afite imyaka 37, ni mwiza mu mico no mu myifatire kandi ni umugiraneza yarankoreye ariko imbogamizi mfite zikomeye ni ebyiri.

Iya mbere ni uko kubera uburyo yamfashije akanyitaho kandi akamfata nk’umwana mu rugo rwe, ndamukunda ariko mukunda urukundo rwa kibyeyi, ndamwubaha cyane nk’umubyeyi sinakwiyumvisha uburyo nabera umugore umuntu mfata nk’umubyeyi.

Indi mbogamizi inankomereye kurushaho ni uko mfite umukunzi tumaranye umwaka umwe kandi twasezeranye kuzabana sinifuza kumuhemukira no gutatira igihango twagiranye.

Ariko kandi sinifuza kubabaza uwo mugabo kuko yarankoreye pe! Nanjye mugirira impuhwe kuba yarapfakaye akiri muto kandi ari umuntu mwiza ariko rwose nta mahitamo mfite mumfashe mungire inama.

96,979 total views, 1 views today

Comments

comments




14 thoughts on “ndifuza ko mumfasha mukangira inama kuko ndaremerewe umutima wenda guturika.

  1. KWIZERA Lambert

    Umva uyu mukobwa koko ubwose urumva uwo musore yarakumariye iki mubuzima bwawe cyereka niba wumva ushaka kuba akawamugani ngo<> umvako wivugira ko uwo mugabo akiri muto kdi nikoko imyaka 37 nimike kumugabo pe, none kuki yumvise akababaro warufite igihe wari waracikishirije amashuri akagufasha ukabyishimira ntayindi nyungu yaragutezeho none ukaba ubonye agize ibyago agapfakara kdi akurikije uko akubona akaba yarabonye wamuhoza amarira yarijijwe no kubura umugore we ukaba ukibyibazaho koko!!!! njye ndumva ahubwo iki ari igihe cyokumwitura ineza yakugiriye kuko nawe urabyumva ntakwanga pe.(emera uwakugiriye neza agaha icyerekezo ubuzima bwawe naho uwo muhungu azashake abandi abakobwa bariho benshi) wibuke ko abanyarwanda bavuga ngo :<> ndakwinginze ntuteshe agaciro iyo mvugo yabakuru reka ineza uwo mugabo yakugiriye ayisange imbere kuyisanga imbere ntakundi nuko wemera mukabana

    Reply
  2. aba

    muraho neza , inama nagira uyu mukobwa nugukunda uwamurihiye ishuri , uzi umuntu ukurihira ishuri akarenzaho na university please kunda uwo mugabo kd uzamukundire umwana afite , nibwo uzagubwa neza , naho uwo musore uvuga nta rukundao , wazicuza ubuzima bwawe kd ubwo ndaguhanuye, ZABURI , 90.12 utwigishe kubara iminsi yacu uburyo butuma dutunga imitima y’ubwenge. sanga uwo wakurihiye , abe ariyo nyituro umuha.

    Reply
  3. pasco

    arko c wowe ushyize mugaciro urumva uwo mugabo wamuhemukira knd ariwe wakugize icyo uricyo ubu
    ntukore ikosa ryo guhemukira umuntu wakugiriye neza
    njye numva ariyo nama naguha

    Reply
  4. Rutayisire

    Ariko koko nimba wifuza ko nkugira inama ndizerako uzazikurikiza pe kandi Imana izabiguhera umugisha umugabo ntabwo yatandukanye nuwari umugore we Imana yaranuhamagaye nawe rero muhoze nkuko nawe yagukuye mugahinda warimo.kandi nutabikora ntabwo nguciriye urubanza ariko Imana izabikubaza.Ntiyifuje kugusambanya igihe yagufashaga kuko yari inyangamugayo kandi yubabahaga umugore we,none ntagihari kandi n’itorero rirabitwemerera ko mwasezerana.bikore kuko yagukoreye ibirenze ibyo wari witeze.

    Reply
  5. Samuel Maniraho

    Sanga uwakugiriye neza kuko nawe urabyumva umuntu wakurihiye secondary akongeraho na university, kdi akaba yaranakubereye umwana mwiza ntagusambanye, mubere umugore rwose naho uwo musore yishakire undi mukobwa.

    Reply
  6. moses

    Umva nuhemukira uwo mugabo,ugasanga uwo mutipe mumaranye agahe gato,ntamahoro uzagira kdi uzahorana intimba ni ntambara mumutwe wawe,ndumva naguha ingero nyinci,niba bitakugoye mpamagara kuri 0787085649 ngufashe!

    Reply
  7. iyapaul

    Uriya mugabo aragukunda ifite nibimenyetso bifatika naho uriya musore ushobora kuba ari kugufatiraho imyuka gusa juste ari amusement yibereyemo. Abasore biki igihe ntibakizerwa ubimenye neza.

    Reply
  8. Claude

    Ikindi njye nakubwira uriya musore agukundira agaciro wahawe nuriya mupapa,iyuba utarize ntugirengo uba ufungura nudushumi twinkweto ze,ubwo utangiye kwiyibagiza ko we yakurihiriye na family yawe itakikwikoza,ntukabe inkirabuheli muko,umenye ko uwo musore akumenye ukuze ,sanga undi mwana(wa mugabo),

    Reply
  9. nanam

    hahahah. uratubeshya nawe urishakira uwo musore kuko aha ntani kugisha inama byazamo. uwo mugabo yakwitayeho kuva kera, byongeyeho aragukunda. uwo musore mumaranye umwaka umwe….. ahubwo ubwo urumva feelings zikuganisha kuri uwo musore…ariko reka nkubwire ibizakurikira:

    1) urumva wishakira uwo musore kandi bizarangira ariwe usanze kuko hari abazakubwira ngo urugo si croix rouge. ariko aha bazaba bakubeshya. uyu mugabo aragukunda. irengagize ko wenda utamufitiye urukundo rwinshi umusange.

    2) ndabona uyu musore umukunda cyane … mbese wowe uzi agukunda urungana iki? urwo umufitiye umunsi yatangiye kugutesha umutwe no kuguca inyuma uzicuza ngo nsanga wawundi wanyeretse urukundo nyarukundo. so , va mumaranga mutima usange ugukunda. nubirengaho ntuzatinda kwicuza. niba iyi nkuru atari impimbno, ibi nubirengaho kazi yako

    Reply
  10. Seleman Ad

    mukobwa sanga uwo mugabo kuk yakugiriye iciza knd utazigera wibagira mubuzima bwawe.kand ukiteshq ayo mahigwe shauri yako.N’Imana yabikubaza.

    Reply

Leave a Reply

Your email address will not be published. Required fields are marked *