NELLY STORE Ltd inzu nshya izanye umwihariko mu gufasha no gusakaza ku Isi imideli yo mu Rwanda

Umunyarwanda uhanga imideli uzwi ku mazina ya Nelly Store  yashinze inzu y’imideli ifite intego ikomeye yo gusakaza no kumenyekanisha ku Isi ibyahanzwe n’Abanyarwanda mu guha imbaraga gahunda ya Made in Rwanda no kurushaho kwambika ibyamamare bitandukanye mu Rwanda.

Nsengumuremyi Laurient uzwi nka Nelly Store amaze igihe mu mwuga wo guhanga no kwambika Abanyamideli mu Rwanda Yavuze ko yagize igitekerezo cyo gushing Nelly Store Ltd nk’uburyo bwo gukemura imbogamizi ku banyarwanda bifuza kwambara ibyakorewe mu Rwanda na Afurika ariko bikaba ingorabahizi.

Nelly Store Ltd ifite icyicaro i Kigali mu karere ka Kicukiro ku muhanda wa kk 499st inyuma y’Umurenge wa Kicukiro haruguru y’urusengero rwo kwa Gitwaza n’imwe mu nzu yitezweho gufasha no gushyigikira Abanyamideli ndetse n’ibyamamare bitandukanye mu Rwanda dore ko yatangiye gukorana na benshi mu bazwi mu Rwanda barimo abahanzi bagiye batandukanye.

Yabwiye IBYAMAMARE ko yafashe umwanzuro wo gushinga Nelly Store Ltd  kuko hari benshi muri bagenzi be bajyaga bifuza aho guhahira imyenda akora bikagorana kuko ntaho gukorera hazwi yarafite ndetse hari nabajyaga bamuhamagara bamubaza aho akorera akabura uko abarangira cyane cyane abanyamahanga bakunda imyambaro ya Made in Rwanda akunda gukora

Yongeyeho ati “Mu buryo bwo kubona imyambaro y’iwacu byaragoranaga. Ibi kandi ni uburyo bwo gusakaza no kumenyekanisha ibyiza by’iwacu uretse inzara, intambara na ruswa; usanga ahenshi abumvise Afurika ari cyo kibazamo.”

Nelly ahamya ko ibyakorewe mu Rwanda cyane cyane imitako n’imyambaro, hanze y’igihugu birakundwa. Yemeza ko abanyamahanga babibonamo ireme n’umwihariko ndetse n’abanyarwanda bamaze gusobanukirwa n’ubwiza bw’imyambaro ikozwe n’Abanyarwanda

Ati “Hiyongeraho ko ibikorerwa iwacu ari byiza pe. Ubigejeje mu mahanga birakundwa n’Abanyarwanda ubu turabambika bakaberwa.”

Ubu, Nelly Store Ltd basakaza ibyakozwe n’abahanzi b’imideli bo mu Rwanda gusa mu gihe kiri imbere barifuza no kuzakwirakwiza ibyakorewe mu bindi bihugu bya Afurika.

Intego ikomeye Nelly Store Ltd ifite, ni ukuzashyiraho uburyo bwihariye bwo gushyigikira iterambere ry’abanyamideli mu Rwanda biturutse ku nyungu bazagenda babona uko iminsi iza indi igataha.

Ati “Duteganya ko uko bizagenda byaguka, tuzashyiraho uburyo bwihariye bwo gufasha no gushyigikira iterambere iterambere ry’abamurika imideli. Nko gukora atelier ahantu hatandukanye.”

IMWE MU MIDELI NELLY STORE LTD ISAKAZA

 

Tanga Igitekerezo ukoresheje Facebook

SHARE