Niba uri umugabo ukaba wifuza gukundwa bihambaye n’umugore wawe, dore uko ukwiye kwitwara

0

Akenshi usanga abagabo bita ku bintu bihambaye bakora ngo bakunde bakundwe n’abakobwa ariko usanga bitoroshye ko umuntu yakwihindurira urwego arimo

Ukuri nyako ni uko ari nta na kimwe muri byose cyoroshye guhindura vuba aha. Icyo wagombye gukora ahubwo ni ukwita no kuryoshya ibyo ufite.

Mu gihe usobanukiwe neza n’icyo wakora, nta kabuza uzatuma imitima myinshi y’abakobwa ba Kigali ikurangarira kabone n’ubwo baba ari bamwe baturuka mu bipangu by’abakire, bamwe ujya ukeka ko mutazapfa muhuye. Hera kuri nomero 7 urebe ukuntu indoto zawe zitangira kujya mu bikorwa:

portrait of african american couple flirting

KANDA HANO UREBE AMASHUSHO TWAGUHITIYEMO UYU MUNSI

1. KWISHIMIRA UMWAMIKAZI WAWE

Kubona umukobwa (girlfriend) wawe ukamwishimira, ukamukundwakaza, biruta byinshi mubyo wibwira ko byamushimisha; biruta kuryamana kandi bikaruta kumugurira indabo. Iyo umwishimiye bituma abona ko koko umukunda, ukamukundira uko ari utabanje kugira ikintu na kimwe ureba.

2. MWITEHO MU BURYO NYABWO

Ese nta muntu urabikubwira kuva wabaho? Abakobwa bakunda umuntu ubitaho. Ariko igishimishije ni ukumenya uburyo nyabwo ibyo byose wabikora. Urugero: Aho kugira ngo wirirwe urimbagura imihanda wirukira za La Comete ndetse n’ahandi ushaka kumuzanira impano runaka, ahubwo gerageza kumubwira ngo: “Niriwe ngutekereza umunsi wose” cyangwa se “Nashakaga kukubwira ko nkunda ijwi ryawe kuri telefone.”

Ibyo bituma amenya neza ko agufatiye runini kabone n’ubwo mwaba mutari kumwe kandi niba mutabizi bavandimwe, ubwo ni uburyo bukomeye bwo gutuma abakobwa bose bifuza ko wababera umukunzi.

3. RANGWA NO KUGIRA ICYIZERE

Abagore bakururwa cyane n’abagabo bahagarara, bagashikama, bakerekana ko nta bwoba bafite mu gihe bageze ku kintu runaka bashaka. Bifuza ko uba intwari ahantu hose kandi ukagerageza ikintu wifuza utabanje kuvuga amagambo, ukiyemeza guhangana n’ingaruka zavukamo… Icyizere kimeze gutyo gituma abagore batangira kukwibazaho.

4. BA UMUNTU UDAFATIKA

Birasekeje ariko abagore benshi bakunda gukururwa n’abagabo batabasha kugenzura cyangwa se kumenya uko bateye. Mu by’ukuri, kenshi usanga bikundira ba bahungu bababwira utugambo twiza hanyuma umunsi ukurikiyeho bakazimira.

Kora ibishoboka buri gihe ushake uko wacugusa ibintu gato, niyo byaba ari ukujya impaka gato mu gihe yifuza gukoresha ascenseurmubwire ko wowe wishakira ko mumanuka escalier. Mucokoze, umukinishe mu buryo atigeze atekereza ko bwabaho. We kwitwara nk’abandi basore bahora muri bimwe buri munsi; zana amaraso mashya ahasigaye urebe.

5. TEKEREZA, ONGERA UTEKEREZE

Uzi impamvu abagore bakunda umuntu ubaha impano se? Ni uko arizo zibereka ko wafashe umwanya ukabatekerezaho. Abahungu benshi bakunze guhura n’ikibazo cyo kwivuna cyane aho usanga bamwe bagujije amafaranga yo gutanga impano zihenze.

Ku mugore byose ni kimwe: Wamuha Lincoln, wamuha umukufi wa diamant, wamuha ikarita isanzwe muri zimwe zigura FRW 600 mu mujyi; kuri we byose ni kimwe kuko adashimishwa n’ingano—ahubwo ikimushimisha ni umwanya wafashe umutekereza kugeza ubwo umwibutse ukamuzanira iyo mpano.

Menya bimwe mu bintu akunda. Niba akunda ko umuhamagara ari ku kazi, ndakibaza impamvu telefone yawe itaragera ku gutwi. Ashobora kuba yikundira umwenda w’imbere umeze gutya na gutya, byukira mu maduka uwuhiga hanyuma uze kuwumugezaho nimugoroba utashye.

Kora ubushakashatsi umenye icyo akunda. Tekereza.

6. EREKANA KO URENZE

Niba barabyize mu ishuri ya psychology wasibye, ariko nawe uriyizi neza kandi uziko wavukanye umutima wo gushaka kwiganza. Abagore bose aho bava bakagera mu buryo batazi nabo ubwabo bakururwa n’abagabo babayeho kigabo.

Iganze muri byinshi ariko ukoresheje umutima muzima. Ntibivuze ko ugomba kwigira akaraha kajya he aho winjira umenagura byose. Garagara kandi wiganze muri byose hanyuma urebe uko abakobwa baza bakwirukaho uko bakabaye.

7. BA ISOKO Y’IBIMUNEZEZA

Ntago ari amakabya-nkuru kuvuga ko gusetsa ari nka maji. Gusetsa (humor) niyo ntwaro ya mbere ituma abagore benshi bifuza kuba imbere yawe. Ibi biragenda bikagera no kuri bamwe utabikekera. Setsa umugore, musetse hanyuma urebe uko atangira kukwiyumvamo. Genda musore, wigira ubwoba kuko aya ariyo mahirwe.

Niba waravutse utazi gutuma umukobwa yishima, byige kuko atari icyaha. Tangira wiyahuze filme zo gusetsa, ushake ibitabo bibyigisha kuko kuri interineti hari byinshi kandi ku buntu. Kora ibishoboka byose ariko ubashe gutuma aseka kubera wowe. Iyo niyo ntwaro ya mbere.

59,472 total views, 1 views today

Comments

comments

ANDIKA ICYO UTEKEREZA KURI IYI NKURU