Search

Niba ushaka kugira urugo rutemba umunezero, dore uburyo mukwiye kwitwara n’uwo mwashakanye

IBM Radio Listen Live

KANDA HANO UREBE VIDEO

Iyo tuvuze ubuzima bwiza, buri umwe yumva byinshi bitandukanye n’iby’undi; bamwe bakumva kwambara neza, abandi kurya neza,abandi gutura heza,abandi kugenda mu mamodoka ahenze,nibindi nkibyo… 

No mu buzima bw’abashakanye naho ni uko batandukanye mu kwiyumvisha icyitwa ubuzima bwiza icyo aricyo ari nayo mpamvu usanga buri wese yarateguye ubuzima n’uwe muburyo butandukanye n’ubwundi,ashingiye kumyumvire y’icyo yita ubuzima bwiza.

movie-couple-1024x683

Kugirango ubwo buzima bwiza bugerweho rero braharanirwa ndetse bigasaba n’umuhati ngo bikunde bigerweho.

Izi ni zimwe mu mfunguzo abashakanye bagakwiye kuzirikana bafungura ubuzima bwiza mu rugo rwabo:

1.KWIYEGEREZA IMANA MUGENGA WA BYOSE

Ibi ntitwabitindaho, kubaha Imana no kuyiyegereza bifasha byinshi, bikarinda guhemukirana, gucana inyuma, guhimana, umwiryane mu rugo n’ibindi.

2. URUBYARO

Abana n’umutungo ni imwe mu mitako y’isi,umutungo iyo urimo umucyo, gusaranganya no kwizerana ufasha no kurera abana kandi abana kandi ni amatunda y’urukundo rw’abashakanye, baba impamvu y’ubuzima bwiza igihe bahawe uburere bwiza,bwo kubaha Imana,abakuru n’urungano rwabo.

3. KUNYURWA

Uru ni rumwe mu mfunguzo zibanze kuko uwo Imana yahaye inema runaka,nta kiyirinda nko kunyurwa nayo,kubashakanye rero buri wese aba agomba kunyurwa nuwo Imana yamugeneye akamuhitamo mubandi,akanyurwa nuko ari(ateye),ndetse akanyurwa nibyo amuha mu bushobozi bwe.

4. GUSHIMISHANYA

Gushimishanya biba mu buryo bubiri: 1- Bitagaragara cg bidafatika: Aha ninko kubwirana amagambo meza(imitoma),kugirirana impuhwe,gushiimana,kwita no guha kamere ye agaciro. 2- Ibigaragara cg ibifatika: Aha nta kindi kivugwa uretse mu mibonano n’ibiyibanziriza,ibi bigerwaho igihe buri wese aharanira gushimisha mugenzi we nkuko nawe yifuza kwishima muricyo gikorwa,kandi buri wese agomba kumenya imiterere ya mugenzi we agaharanira kutikunda cyane.

5. KUVUGURURA NO GUHINDURA

Ubusanzwe abashakanye intego yabo niyo kubana igihe cyose cy’ubuzima bwabo,ariko nyuma y’igihe abashakanye barambirwa ubwo buzima iyo hatabayeho kuvugurura icyabahuje(urukundo)no guhindura ibyo bamenyereye kumva cg kubona. Kuvugurura kandi nanone bigendana no kuvugurura ibikoresho byo munzu,cg se guhindura aho biri,mu mitegurire,no mumabara yabyo.

6. GUHANA IMPANO

Impano ni kimwe mu byongera urukundo hagati y’abantu,ikamunga urwango n’ubushyamirane hagati yabo,byumvikane ko hagati y’abashakanye yakora ibitangaza bitanga ubuzima bwiza. Gusa mu gutanga impano hagomba kwitabwaho:Gutanga impano uziko iri mu bishimisha uwo uyihaye. Impano ihuje n’igihe n’ahantu. Impano itari mu byaziririjwe. Gutanga impano wizihiwe. Gukuraho igiciro. Guha agaciro impano utanze cg uhawe. Kwita no kumenya ibihe mugenzi wawe arimo.

7. KURINDA UBUZIMA BW’URUGO

Benshi mu bashakanye usanga barinda imitungo bagezeho cyane(imodoka,inzu,ibyuma)bakiyibagiza ko ibyo byose nta tuze byaguha uwo mwashakanye mutabanye neza,bityo tugomba gushyira ubwenge n’ingufu mu kurinda icyahungabanya ituze ry’imibanire yacu;Dushyira mu gaciro,tukanayungurura ibyo twumva n’ibyo tubona,yaba hagati yacu cg ibituruka hanze. Gushyira amakosa mu rugero rwayo ntagukabya,kandi agakosorwa kugihe cyayo. Kwemera kwa buri wese ko ari umuntu ashobora gukosa,bityo akemera kuba yakosorwa,nabyo mu buryo bwiza. Kumenya no guha agaciro ibihe byaranze ubuzima bwa mugenzi wawe. Gufatanya mu gucyemura ibibazo by’umuryango. Kubika ibanga mu buryobwose bwashoboka ry’urugo. Gufunga urugi rwakwinjiriaramo ibyaturuka hanze bije kwangiza urugo. Buri wese kuzuza inshingano ze mu rugo.

8. GUFASHANYA

Ni rumwe mu mfunguzo zibanze,kuko rutanga ingufu z’umuryango. Duhereye mu gufashanaya mu kwiyegereza Imana(Gusenga),hanyuma gufashanya mu bikorwa by’urugo,mu kurera abana,no mu gufasha imiryango yacu dukomokamo.

9. KWITA KU RUKUNDO

Ni kenshi iyo abantu bashakanye bahita bishyiramo ibitekerezo rimwe na rimwe bituma urukundo rukonja,rukigunga,ruakarwara,ruhunga,kandi ibyo birengagiza nibyo biba byararuzamuye bakagera naho babana kugira ngo baruhuze. Bimwe muri ibyo harimo indoro nziza isobanura urukundo,gukoranaho bituje bimwe birukangura mu mubiri,guhana imitoma batakana,kwandikirana(sms,e-mail,…. ),kuganira bisanzwe baseka,gusohokera ahantu hatandukanye,n’ibindi byaranze urukundo rwabo mbere yuko babana.

Imfunguzo iyo zibaye nyinshi ushaka icyo wazishyiraho ngo zidatakara,izi z’urukundo rero zo nta handi zashyira kuko ari izagaciro,uretse ahantu hagaciro nkazo,aho ntahandi ni ku mutima.

Hari ubwo havamo rumwe rugatakara,cg se rugahongoka ntirubashe gufungura neza,bityo abashakanye ntawuharira undi akazi ko kuruhiga cg kurusudira,ahubwo barafatanya,bagashaka aho bajya bakicara mukiganiro gituje bakarushaka cg bakarusudira,babanje kumenya urwarirwo,no kumenya agaciro karwo.

Izi mfunguzo ni iz’ubuzima bwiza bw’abashakanye,bityo nta wuharira undi kuzibika ahubwo bafatanya kuzibika no kuziha agaciro kazo.

IGISABWA:

Ni ukwirinda ko zatakara hifashishije buri wese kumva agaciro kazo,kwihanganirana,kwiha intego yo kuba intanga-rugero mu byiza,kwizera kuzagabirwa n’Uwiteka.

MUHIMPUNDU Chantal

Comments

comments




Leave a Reply

Your email address will not be published. Required fields are marked *