Niba wifuza umukunzi nyawe uzagukundira nyabyo uko uri mukabana akaramata, izi nama zagufasha

0

Ni inshuro nyinshi abantu bakenera gukundwa ariko hakaba abakeka ko wenda bo bitabahira cyangwa ngo bibaberenk’uko bigendekera abandi.

Kimwe mu bintu by’ingenzi umuntu wese akenera ni ukwitabwaho ku buryo bw’umwihariko, akaba afite umuntu bahuje akamuba hafi yaba ari mu byiza cyangwa se mu bibi akaba ri kumwe nawe bishimana cyangwa se banafatanya mu biruhije

1

Kuba umuntu yaba afite abamwitayeho benshi, ntibimubuza ko muri abo akeneramo umwe arutisha abandi bakabana bisanzuranyeho ku buryo bw’umwuhariko, kuburyo usibye no kumwambarirana ubusa ngo bakore urukundo, baba bashobora no gushakisha, gutanga cyangwa kwigomwa buri kintu cyose kibashobokera kugirango imibanire n’imibereho yabo ikomeze kugenda neza.

KANDA HANO UREBE AMASHUSHO TWAGUHITIYEMO UYU MUNSI

Aha umuntu yakwibaza ati se ni iki nakora kugirango mbone umuntu dukundana bene aka kageni?

Aha igisubizo nta handi kizava usibye kuri wowe. Icyo usabwa ni ukudaha agaciro ibitagafite kandi ukanirinda gukabya guha agaciro ibintu cyangwa abantu ngo ni uko bagakwiye: ukamenya guhagarara ku cyemezo wafashe, niba ri yego ni yego, niba ari oya ni oya. Ni ngombwa ko wigirira icyizere kuko iyo amahirwe amwe atagusekeye uba ufunguriwe andi arenga igihumbi! Aha rero niho uba ugeze mu gihe cy’amahitamo, ku buryo usabwa guhitamo icyo umutima wawe wemeranya nacyo.

Ikintu cy’ingenzi utagomba kwibagirwa ni uko ugomba kuba uwo uri we, ukagerageza kubanira abandi neza no kubitaho, byaba na ngombwa ukaba wakwitanga. Kuri buri kimwe ugiye gukora jya wibaza niba uramutse ugikoze ku mugagaro cyangwa se mu buryo abantu bazi byaguhesha agaciro.

Umuntu umwe uri mu kigero cy’imyaka mirongo itanu yagize ati: “Ni kenshi bagenzi banjye bajyaga bambwira ngo ndi urugero rwiza rw’umuntu ufite isura idashamaje na mba. Byarambabazaga cyane ariko simbyiteho ahubwo nkagerageza kubacira bugufi no kugaragaza umutima wa kimuntu, nkagerageza guha agaciro gakwiriye no kwita kuri buri umwe turi kumwe ahasigaye nkamenya kwifatira ibyemezo bimpa agaciro no gukora imirimo yanjye neza. Nanjye nk’umuntu, najyaga nibaza niba nzabona umuntu turebana akana ko mujisho ariko nakwibuka isura yanjye….

Naje gutungurwa no kubona umuntu ntakekaga ko bishoboka ko twagirana umubano wihariye ambwiye ko yankunze kandi ko mbimwemereye twakwibanira ubuziraherezo! Nabanje kumva ntihaye agaciro ko kubana nawe ariko aza kumbwira ko yabitekerejeho igihe kitari gito, kandi yakurikiranye imyitwarire n’imikorere byanjye bikamunyura bityo nkaba narigaruriye umutima we. Numvise ngiye mu bicu numva namumira bunguri! Twabyaranye abana turatunga none ubu turujukuruje.”

2

Erega kuba kanaka cyangwa kanaka yarabonye umukunzi si uko akurusha uburanga, ahubwo ashobora kuba mu bihe bye yarabashije kwitwara neza no kwifatira ibyemezo. Uzabona abakobwa bafite uburanga ariko bagumiwe, ntuzagirengo ni ikindi kiba cyarebiteye uretse ibyemezo by’imyitwarirer n’imigirire bagiye bifatira bo ubwabo.

Bana neza n’abandi ahasigaye witurize bajye bagwa mu mutego w’ubwitonzi, ubushishozi , umurava icyizere n’ubumuntu byawe; ahasigaye utoranye umwe mu bawuguyemo umwigarurire nawe akwigarurire mwibanire akaramata muberwe n’urukundo!

 

79,191 total views, 1 views today

Comments

comments

ANDIKA ICYO UTEKEREZA KURI IYI NKURU