“Nibanda ku butumwa bw’ihumure buganisha ijuru” Alphonse Twambazimana

Alphonse Twambazimana n’umuhanzi Nyarwanda mu ndirimbo zo kuramya no guhimbaza Imana utuye mu mujyi wa City Austin i Texas muri Leta Zunze Ubumwe z’Amerika avuga ko ubutumwa atanga bugamije guhembura isi no guhumuriza abarushye.

N’umuhanzi watangiye kuririmba kuva cyera akiri muto aza gushyira indirimbo hanze mu mwaka wa 2019, azwi mu ndirimbo nka Nzaririmba, Turashinganye ndetse n’iyitwa Ishyanga rikomeye aheruka gushyira hanze.

Alphonse Twambazimana uvuga ko akura inganzo ku butumwa bwiza bwa Yesu Kristo ashimangira ko iyo yandika indirimbo agendera ku bihe isi irimo

” iyo ntegura indirimbo nshingira mbere na mbere muguhumuriza abafite imitima ibabaye mbabwirako Imana igishoboye byose nibanda kubutumwa buhembura abantu bunabaganisha ku nzira igana ijuru “

Alphonse Twagizimana

Uyu mubanzi avuga ko bitaborohera cyane nk’abahanzi bakorera muzika muri Amerika ku bijyanye no gutunganya indirimbo ariko bitewe n’umuhamagaro bakora uko bashoboye kugira ngo izina rya Yesu rihimbazwe iteka.

“Gukora indirimbo hano ntibiba byoroshye kubera ama studio ndetse n’akazi ka buri munsi gusa dukora uko dushoboye kugira ngo izina rya Yesu rihore hejuru”

Twambazimana ngo ntazibagirwa ubwo akiri muto chorale yaririmbagamo yagiye gukora alubumu maze bakamubwira ko atazi kuririmba ibintu yafashe igihe asengera none Imana ikaba yaramushoboje akaba ashyira hanze indirimbo nziza kandi zifasha benshi.

Mu kiganiro na Ibyamamare.com yasoje ashimira Imana ikimurinze we n’umuryango we, asaba amasengesho ku bakunzi b’indirimbo zo kuramya no guhimbaza Imana muri ibi bihe bikomeye anibutsa Abanyarwanda n’isi yose kwirinda ikwirakwira ry’icyorezo cya Coronavirus bubahiriza amabwirizwa atangwa n’inzego zibishinzwe.

Umva ishyanga rikomeye by Alphonse Twambazimana

 

Tanga Igitekerezo ukoresheje Facebook

SHARE