Search

Nigeria: Guverineri Okorocha yagize mushiki we Minisiteri ushyinzwe ibyishimo,biteza umwuka mubi mu baturage

IBM Radio Listen Live

KANDA HANO UREBE VIDEO

Rochas Okorocha, umuyobozi wa Leta ya Imo muri Nigeria yatangaje abantu benshi nyuma yuko ahaye mushiki we witwa Ogechi Ololo akazi ko kuba umuyobozi ushinzwe ibyishimo no kugenzura ko abakundana bo muri Leta ayoboye bagera ku byo bifuza kandi bakaba banezerewe.

Rochas Okorocha, umuyobozi wa Leta ya Imo muri Nigeria

Ku wa mbere tariki ya 04 Ukuboza 2017 nibwo uyu muyobozi wa Leta ya Imo witwa Rochas Okorocha yashyizeho uyu mwanya w’ubuyobozi ahita awushyiramo mushiki we witwa Ogechi Ololo ngo ari we ukora izo nshingano.

Imo ni leta yo mu gihugu cya  Nigeria ikaba iherereye mu  majyepfo y’uburasirazuba bw’iki gihugu,ikaba leta ibarirwa mu zifite umudendezo kuri iyi si ari nayo mpamvu yahawe Minisitiri ushinzwe kwita ku byishimo mu baturage.

Iyi Leta yigeze kurangwa n’ibibazo bitandukanye birimo imvururu zishingiye kuri politiki n’ubukungu, niyo ya mbere muri Nigeria ihawe Minisitiri ushinzwe ibyishimo.

Izi nshingano zahawe Ogechi Ololo usanzwe ari mushiki wa Guverineri wa Leta ya Imo, Rochas Okorocha zirimo gukurikirana ibikorwa bigarura ibyishimo mu baturage no hagati y’abashakanye. Yatangajwe mu muhango wo kwerekana abandi bakomiseri 27 bo muri Leta ya Imo.

Abanya-Nigeria ntibavuze rumwe na Guverineri Okorocha, wahoze ashyirwa mu majwi ku kunyereza umutungo w’iyi Leta, wafashe icyemezo kuri uyu wa Mbere cyo kwimika mushiki we Ogechi Ololo, wari Umuyobozi Umwungirije Ushinzwe Abakozi, akaba n’Umujyanama mu mirimo y’imbere mu gihugu no gutegura iminsi mikuru ya Noheli.

Umuvugizi wa Guverineri, Sam Onwuemeodo, yatangarije AFP ko inshingano zahawe Minisitiri w’Ibyishimo zidasanzwe.

Rochas Okorocha na mushiki we Ogechi Ololo wagizwe kuba minisitiri ushinzwe ibyishimo

Yavuze ko Guverineri ari umuntu ufite ibitekerezo kandi ko buri gihe aba ashobora kuzanira ibishya Leta ayoboye, ko buri gihe aba yifuza icyatuma abaturage bahora bishimye.

Bimwe mu bishingirwaho mu kugena Minisitiri w’Ibyishimo muri iyi Leta, harimo kuba afite imitekerereze ihamye, amashuri ahanitse, ubuzima bwiza, kuba yishimirwa n’abaturage n’ibindi.

Guverineri Okorocha uri mu bayobozi bakomeye mu ishyaka rya Perezida Muhammadu Buhari akunze kugaragaza ukutavugwaho rumwe bishingiye ku byemezo bye.

Mu mezi make ashyize  yashyizwe ho ibibumbano bigaragaza Perezida  wa Liberia Ellen Johnson Sirleaf n’uwa Afurika y’Epfo, Jacob Zuma mu kubaha agaciro.

Ikibumbano cya Zuma bivugwa ko cyatwaye miliyoni 520 z’ama-Naira (miliyoni 1.4 z’amadorali), aya akabakaba miliyari imwe na miliyoni 200 mu mafaranga y’u Rwanda.

Nubwo iki gihugu gifite Imo, leta irangwamo ituze usanga hakunda kumvikana amakuru ko kibasiwe n’imitwe y’iterabwoba  yica abaturage umunsi ku wundi.

 

Richard Uwizera@ibyamamare.com

Comments

comments




Leave a Reply

Your email address will not be published. Required fields are marked *