Nigihozo Hope, umugore wa Dj Miller agiye gushyira hanze alubumu y’indirimbo 10 zasizwe n’umugabo we

Nigihozo Hope, umugore wa Nyakwigendera Kararunga Virgile wamamaye nka DJ Miller, abifashijwemo n’inshuti z’umuryango we bagiye gushyira hanze alubumu y’indirimbo 10 yasize .

Itangazo rigenewe abanyamakuru ryashyizwe hanze rivuga ko iyi alubumu ya DJ Miller yitiriwe umwana we w’imfura yakundaga cyane “Shani”.

Nigihozo Hope, umugore wa Nyakwigendera Kararunga Virgile wamamaye nka DJ Miller

Iyi alubumu igiye gushyirwa hanze mu rwego rwo gusoza isezerano yari yarahaye abakunzi be no gusigasira umurage we.

“DJ Miller yari yarasezeranyije gushyira hanze alubumu mbere y’uko urupfu rutunguranye rumutwaye. Nk’umuryango n’inshuti ze dutewe ishema no gusoza isezerano no gusigasira umurage we by’umwihariko.”

Iyi alubumu igizwe n’indirimbo 10 zose zakozwe na producer Davydenko akaba yarazikoranye n’abahanzi batandukanye bafite amazina akomeye mu Rwanda.

“Shani” izajya hanze tariki 04 Ukuboza 2020, gusa uburyo izamurikwa n’uko izacuruzwa ntabwo biratangazwa.

Iyi alubumu igiye gushyirwa hanze mu rwego rwo gusoza isezerano yari yarahaye abakunzi be no gusigasira umurage we.

DJ Miller ni umwe mu ba DJs bari bagize itsinda rya Dream Team DJs rikunzwe na benshi. Uretse ubuhanga mu kuvangavanga imiziki yibukirwa ku kuba umuntu ugira urukundo n’umutima wo gufasha.

Urupfu rwe rwatunguye abantu runababaza cyane kuko yari akiri muto ku myaka 30. Yari amaze amezi 10 gusa akoze na ubukwe n’umufasha we Hope Nigihozo ndetse yari amaze amezi atandatu gusa yibarutse imfura ye Shani.

imfura ya Dj Miller na Hope bamwise Shani

Tariki 05 Mata 2020 nibwo inkuru y’incamugongo yatashye mu banyarwanda ko DJ Miller atabarutse aguye mu bitaro byitiriwe Umwami Faisal aho yari ari kuvurirwa indwara ya stroke.

Nyuma y’uko yitaba Imana hasohotse indirimbo ebyiri yagizemo uruhare harimo “Boss” yakoranye na Nel Ngabo na “Trainer” yakoranye na Christopher

 

Tanga Igitekerezo ukoresheje Facebook

SHARE